ՍԵՎԱԿՅԱՆ ՊՈԵԶԻԱՆ՝ ԻԲՐԵՎ ՆՎԵՐ ՈՒՍՈՒՑԻՉՆԵՐԻՆ
Արխիվ 12-16
ՍԵՎԱԿՅԱՆ ՊՈԵԶԻԱՆ՝ ԻԲՐԵՎ ՆՎԵՐ ՈՒՍՈՒՑԻՉՆԵՐԻՆ
«ԶԱՐԹՈՆՔ» համերգային ընկերությունն իր գործունեության 23 տարվա ընթացքում հանդիսատեսին է ներկայացնում գրական-երաժշտական երեկոներ, հայ դասական պոետներին նվիրված համերգներ, նշում նրանց հոբելայնները, ներկայացնում հայ պոեզիայի ընտրանին, կազմակերպում հայրենասիրական երգերի երեկոներ, աշուղական համերգներ… Երեկ «ԶԱՐԹՈՆՔԻ» սևակայան երեկոն նվիրվեց ուսուցիչների միջազգային օրվան:
«Սա լավագույն նվերն էր, որ կարող էր լինել… Սևակ միշտ և անընդհատ կարելի է լսել, հատկապես, երբ այն կարդում են այնպիսի արտիստներ, ինչպիսիք Գրետա Մեջլումյանը, Սիլվա Յուզբաշյանն ու Արթուր Ութմազյանն են: Ինքս դպրոցում աշխատել եմ 26 տարի ու վստահեցնում եմ, որ ուսուցչի դերը երկրի առաջընթացքի գործում բոլոր ժամանակներում խիստ կարևոր է»,- «ԻՐԱՎՈՒՆՔԻ» հետ զրույցում նշեց հանդիսատեսի շարքում գտնվող մաթեմատիկայի ուսուցչուհի ԱՆԱՀԻՏ
ՀԱՐՈՒԹՅՈՒՆՅԱՆԸ:
«Շնորհավորում եմ դահլիճում ներկա գտնվող բոլոր ուսուցիչներին, ովքեր այսօրվա հանդիսատեսի շարքում մեծամասնություն են կազմում: Խոնարհումս Ձեզ՝ մարդիկ, ովքեր առավելն են արժանի հարգանքի, գնահատանքի. Ձեր դերը սերունդների կրթության ու դաստիարակության հարցում անասելի է»,- իր խոսքում նշեց «ԶԱՐԹՈՆՔ» համերգային ընկերության տնօրեն ԱՆԴՐԱՆԻԿ ՄԱՆՈՒԿՅԱՆԸ:
ԷԹԵՐԻ ՄԱՄՈՒԼՅԱՆ
1
2524 դիտում
2
2185 դիտում
3
1934 դիտում
4
1888 դիտում
5
1870 դիտում
