ԱԶՆԱՎՈՒՐԻ ԿԵՑԱՎԱՅՐ-ՏՈՒՆ-ԹԱՆԳԱՐԱՆԻ ԱՌԵՂԾՎԱԾԸ

ԱԶՆԱՎՈՒՐԻ ԿԵՑԱՎԱՅՐ-ՏՈՒՆ-ԹԱՆԳԱՐԱՆԻ ԱՌԵՂԾՎԱԾԸ

2008թ. սկսվեցին ու 2009թ. ավարտվեցին ֆրանսիահայ շանսոնիե Շառլ Ազնավուրի կեցավայր-տուն-թանգարանի կառուցման աշխատանքները: Այն կառուցվեց Արարատ լեռանը դեմ հանդիման, Երեւանի կենտրոնական հատվածում` Կասկադում: Կառուցման գաղափարը ՀՀ նախագահինն էր, իսկ կեցավայր-տուն-թանգարանի ճարտարապետը` Նարեկ Սարգսյանը: Կեցավայրը բազմաֆունկցիոնալ մշակութային կենտրոն է: Այն ունի 150 տեղանոց փակ դահլիճ, ընդունելությունների սրահ, թանգարանային մաս: Ի սկզբանե որոշված էր, որ կեցավայր-տուն-թանգարանում միաժամանակ պետք է կազմակերպվի նաեւ Ազնավուրին պատկանող իրերի` գրքերի, սկավառակների, պարգեւների ցուցադրություն, որոնք շանսոնիեն անձամբ ուղարկել է թանգարանին: Այս կեցավայր-տուն-թանգարանի կառուցումն ուներ եւս մեկ նպատակ. Հայաստանում գտնվելու ժամանակ Ազնավուրը պետք է մնար այնտեղ: Բայց... կան շատ բայցեր: Այսօր, փաստորեն, Շառլ Ազնավուրի համար կառուցված շինությունը չի ծառայում իր նպատակին: Այս մասին շանսոնիեն նույնիսկ ռուսական komersant.ru ին տված հարցազրույցում է ասել` պատասխանելով թղթակցի այն հարցին, թե նա իսկապե±ս իջեւանում է Երեւանում գտնվող իր տուն-թանգարանում: Ազնավուրը նշում է. ՙԻմ սենյակը դեռ պատրաստ չէ, այդ պատճառով ես հյուրանոցում եմ մնում: Բայց մի օր ես կտեղափոխվեմ ինձ մոտ: Դեռ ժամանակը չէ՚:
Ի դեպ, այնտեղ ցուցադրված չեն Ազնավուրին պատկանող գրքերը, սկավառակները եւ այն բոլոր պարագաները, որոնք ինքը` շանսոնիեն է ուղարկել: Կամ, գուցե, ցուցադրված են, բայց հասանելի չեն ոչ ոքի:
ՙԻրավունքը՚ փորձեց անձամբ մտնել կեցավայր-տուն-թանգարանը` պարզելու, թե ինչո±ւ կեցավայրը չի ծառայում իր նպատակին, եւ արդյոք ցուցադրվո±ւմ են շանսոնիեին պատկանող իրերը: Սակայն, հանդիպեց փակ դռների, որոնք ոչ մի պարագայում չբացվեցին: Փակ դռներ, որոնց ետեւից կարելի էր ստանալ ոչ թե ներքին, հոգեւոր բավարարվածություն` տեսնելով Շառլ Ազնավուրի` տարիների ընթացքում կատարած աշխատանքը, այլ միայն լսել ՙԻրավունքի՚ հնչեցրած մի քանի հարցերին պահակի կցկտուր եւ չհիմնավորված պատասխանները:
- Միթե չի կարելի ներս մտնել տուն-թանգարան, այն միշտ փա±կ է: Իսկ կարելի± է գոնե զրուցել տնօրենի հետ:
- Ոչ, տնօրենը սեպտեմբեր ամսին արձակուրդում է գտնվում, եւ ոչ ոք չգիտե, թե նա երբ կվերադառնա իր հանգստից:
Համաձայնեք, որ տարօրինակ է, եթե այս ամենին էլ գումարենք այն, որ Ազնավուրը Հայաստան գալիս չի կարողանում բնակվել իր համար կառուցված կեցավայրում, իսկ տնօրենն էլ անժամանակ արձակուրդում է... ՙԻրավունքը՚ կփորձի հետամուտ լինել այս թեմային եւ արձակուրդից տնօրենի վերադարձից հետո կպարզի Ազնավուրի կեցավայր-թանգարանի փակ լինելու գաղտնիքը: Մնում է հուսալ, որ տնօրենի համար միայն սեպտեմբեր ամիսը բավարար կլինի  վայելելու իր արձակուրդը:

Կույտը մշակեց ՀԱՍՄԻԿ ՄԱՆՈՒԿՅԱՆԸ