ՙՍՈՒՆԴՈՒԿՅԱՆԻ ԱՆՎԱՆ ԹԱՏՐՈՆՈՒՄ` ՙԵՏՈՂՈՐՄՅԱ՚
Արխիվ 12-16
ԹԱՏՐՈՆՈՒՄ` ՙԵՏՈՂՈՐՄՅԱ՚
ՙԻրավունքն՚ արդեն անդրադարձել էր Գ. Սունդուկյանի անվան ազգային ակադեմիական թատրոնում տեղի ունեցող ներքին սկանդալին` թատրոնի տնօրեն ՍՏԵՓԱՆ ԴԱՎԹՅԱՆԻ ու կադրերի բաժնի պետ ՎԱՀԵ ՄՈՎՍԻՍՅԱՆԻ միջեւ: Վ. Մովսիսյանը տնօրենին մեդադրում էր անօրենության մեջ` կեղծ աշխատակիցներ ձեւակերպելու, ովքեր իրականում գոյություն չունեն, սակայն նրանց աշխատավարձերը դուրս են գրվում: Այսինքն` ըստ Վ. Մովսիսյանի` թատրոնին տասը տարվա հասցված վնասը կազմում է մոտ 14 մլն դրամ: Իսկ տնօրենն էլ իր հերթին կադրերի բաժնի պետին մեղադրում էր ստախոսության մեջ, թեպետ շեշտելով, որ նա լավ աշխատող է: Ըստ Վ. Մովսիսյանի` թատրոնում իր դեմ ստորագրահավաք էր սկսվել, որի գլխավոր մեղավորն ու շահագրգիռ անձը նույն թատրոնի դերասան, ՀՀ վաստակավոր արտիստ Արմեն Մարությանն էր, քանի որ Վ. Մովսիսյանի խոսքերով` դերասանը եւս ուղիղ կապ ունի իր բարձրացրած խնդրի հետ:
ՙԻրավունքն՚ այդ թեմայի շուրջ զրուցել էր նաեւ թատրոնի դերասան, ՀՀ վաստակավոր արտիստ ԱՐՄԵՆ ՄԱՐՈՒԹՅԱՆԻ հետ, ով նույնպես մեղադրելով Վ. Մովսիսյանին` նշել էր, որ նա նույնպես այս թատրոնում 3 հաստիք է ստանում եւ հավելել, որ այս ամենը սկսվել է մի օդորակիչի պատճառով:
Երեկ խմբագրություն էր զանգահարել Արմեն Մարությանը, դերասանը ասաց, որ ինքն այդ օրերին եղել է Բրեստում` թատերական փառատոնի եւ իրեն այդ մասին սխալ տեղեկություններ են հասցրել, ինչի արդյունքում հերքում է Վ. Մովսիսյանի հասցեին ասած բոլոր մեղադրանքներն ու հայտարարությունները. ՙԻնձ հասած սխալ տեղեկությունների արդյունքում, այն ինչ ես ասացի նախորդ օրը հարցազրույցում` մեր թատրոնի կադրերի բաժնի աշխատողի` Վահե Մովսիսյանի մասին, հիմա հերքում եմ, քանի որ էլի եմ կրկնում` ինձ սխալ տեղեկություններ էին հասել՚:
ԼԻԼԻԹ ԵՂԻԱԶԱՐՅԱՆ
1
2524 դիտում
2
2185 դիտում
3
1934 դիտում
4
1888 դիտում
5
1875 դիտում
