ՙԻրավունքի՚ ունեցած տեղեկությունների համաձայն` ՀՀ մշակույթի նախարարության ժամանակակից արվեստի վարչության գլխավոր մասնագետ Վարդան Գրիգորյանն ազատվելով իր պաշտոնից, անցել է այլ աշխատանքի: Այժմ Վ. Գրիգորյանը նշանակվել է Պետական կամերային երաժշտական թատրոնի տնօրեն:
ՙԻրավունքի՚ հետ զրույցում Վ. Գրիգորյանը նշեց, որ թատրոնի տնօրենի համար եղել է մրցույթ, որի արդյունքում ինքն է հաղթել, սակայն հետո շեշտեց, որ թատրոնի տնօրեն լինելն այդքան էլ հեշտ աշխատանք չէ. ՙԱյս պահին որեւէ բան ասելը տեղին չէ, մի բան է, երբ դրսից ես համակարգում, այլ բան` երբ ներսից կոմպեսացնում ես: Մինչեւ չհասկանամ ինչն ինչոց է, թատրոնն ինչ ուղղությամբ է գնում, ծրագրեր կան, որոնք բոլորը պիտի իրականացվեն, ժամանակ է հարկավոր: Առայժմ այսօր ընդամենը ծանոթացել եմ կոլեկտիվին: Բնականաբար, ես կփորձեմ զարգացման, տեխնիկական հարցերով, ամբողջապես զբաղվել կոնկրետ թատրոնով: Հիմա ինչ պիտի արվի եւ ինչ ճանապարհներով, դա կերեւա մոտ ապագայում՚,- ասաց նորանշանակ տնօրենն ու հավելեց. ՙՉէի ասի, որ դա հեշտ աշխատանքներից է, պարոն Հակոբյանին իհարկե շնորհակալություն, որ ինչքան աշխատել է, ինչ կարողացել արել է ու թատրոնը պահպանել: Թատրոնն աշխատում է, ունի խաղացանկ, դե, ես էլ պիտի փորձեմ լրացնել եւ շարունակել՚: Արդեն թատրոնի նախկին տնօրեն ԴԱՎԻԹ ՀԱԿՈԲՅԱՆՆ ՙԻրավունքի՚ հետ զրույցում նշեց, որ ինքն է հրաժարվել թատրոնի տնօրենի պաշտոնից. ՙԵս հրաժարվեցի պարզապես: Հիմա տեղափոխվել եմ այլ աշխատանքի` Համազգային թատրոնում բեմադրող ռեժիսոր եւ դերասան եմ: Հրաժարվեցի, որովհետեւ հոգնեցի, ուզում եմ ազատ ապրել՚,- նշեց Դ. Հակոբյանը:
1
2524 դիտում
2
2185 դիտում
3
1934 դիտում
4
1888 դիտում
5
1875 դիտում
