ԶԱՐՄԱՆՔ

Ուրբաթ օրով ՙբարլուսախառը՚ զազրելի բան է տեղի ունեցել Գառնիում: ՌԴ քաղաքացի ՄԱՔՍԻՄ ՆԻԿԻՏԵՆԿՈՆ ներկով հսկայական տառերով կրոնական կարգախոս է գրել տաճարի հետեւի պատին, սակայն անմիջապես բռնվել է թանգարան-արգելոցի աշխատակիցների եւ այցելուներից մեկի կողմից: Ներկի մնացորդը նրա գլխին դատարկելուց հետո այդ կենդանուն անմիջապես հանձնեցին իրավապահներին: Սակայն ամենազարմանալին պարզվեց հետագայում: Տեղեկատվական անվտանգության փորձագետ Տիգրան Քոչարյանը գտավ նրա էջը սոցցանցերում, որից պարզ է դառնում, որ նա ընդամենը ծալապակաս կրոնական ֆանատիկոս է: Նաեւ պարզ է, որ տուրիստական ուղեւորությունների փող այդ կենդանին ունենալ չէր կարող, հետեւաբար հարց իրավապահներին` արդյո±ք պարզել են, թե ով է ֆինանսավորել եւ հրահանգավորել այդ պարզունակ արարածի ՙգործուղումը՚: Ի վերջո, նրա արարքի լպիրշությունը ոչնչով չի տարբերվում ՙՊուսսի ռայոտ՚ պանկ խմբի Մոսկվայում կատարած հայտնի սրբապղծությունից:
Մեզ բավականին զարմացրեց ՀԱԿ խմբակցության քարտուղար, ՀՀՇ նախկին նախագահ ԱՐԱՄ ՄԱՆՈՒԿՅԱՆԸ, ով Աբովյանի հանրահավաքում իրեն թույլ տվեց հայհոյական բառապաշար: Դե պարզ է, որ այդպիսի վարքագիծ կարող է դրսեւորել միայն այնպիսի կերպարանքը, ով ներքուստ զգում է մոտալուտ անխուսափելի եւ խայտառակ քաղաքական պարտությունը, բայց գոնե թող հիշեր, որ 1991 թվականին իրեն հանձնարարել էին հրապարակել Հայաստանի անկախության մասին հռչակագիրը, զուտ այն պատճառով, որ իր անուն-ազգանունը համընկնում է Առաջին  հանրապետության երախտավոր Արամ Մանուկյանի հետ: Լավ, ինքը ՙգրողի ծոցը՚, բայց գոնե սեփական անուն-ազգանունն ափսոսար եւ չպղծեր հրապարակային հայհոյանքով: Ինչեւէ, զարմանալով հանդերձ, մնում է հիշեցնել ե°ւ այդ ձախողակ պատգամավորին, ե°ւ նրա թիմակիցներին, որ ՀՀ քաղաքացիները չեն մոռացել նրանց գործած ավերները եւ մինչեւ այժմ հիշատակում են այդ թիմի ոչ միայն ՙտիրոջ մերը՚, այլեւ  ազգականների բավականին լայն շրջանակ:
Մեզ զարմացրեց եւ ՙԺառանգություն՚ խմբակցության ղեկավար ՌՈՒԲԻԿ ՀԱԿՈԲՅԱՆԸ` հայտարարելով. ՙՀիմա ով պահանջի վարչապետի հրաժարականը, նշանակում է նա չի հասկանում, թե Հայաստանում ինչ պետական համակարգ է՚: Չենք կարծում, որ պատգամավորն այդ հայտարարությունն արել է, ասենք, անձնական համակրանքից կամ հակակրանքից ելնելով, բայց դառնում է անհասկանալի` ի վերջո, ի±նչ է պահանջելու այդ ՙեռյակացած՚ ՙքառյակը՚: ՀՀ նախագահի հրաժարականը, բացի Զուրաբյան Լյովիկից, ոչ ոք չի պահանջում, վարչապետի հրաժարական չեն պահանջում, ավելի ներքեւի օղակի պաշտոնյաների հրաժարական պահանջելը երեւի արդեն անհարմար էլ կհամարեն... Զարմանալի է, տակն ի±նչ է մնում` սահմանադրական բարեփոխումներ չանցկացելու պահա±նջը: Բա ժողովուրդը չի ասի` այս հիմարության համար ինչի± եք մեզ կանչել հրապարակ:
Չէ, մեր քաղաքական գործիչներն ու քաղաքագետները ոչ մի կերպ չեն ուզում հասունանալ: Զարմանալիորեն,  տասնամյակներով կրկնում են նույն պահանջնեն ու կարգախոսները` նույն բացարձակապես կանխատեսելի արդյունքով: Բացառություն չէ եւ նորահայտ-նորաթուխ երիտասարդ քաղաքագետ ՍԱՐՈ ՍԱՐՈՅԱՆԸ. ՙԻշխանափոխությունը, ես հասկանում եմ, որ հանրությունը կարողանա իրացնել ընտրության իրավունքը: Եթե ընտրական մեխանիզմները չեն աշխատելու, ժողովուրդը չի կարող իշխանության գալ, ո±րն է իշխանափոխության իմաստը, վիշապի մի գլուխը փոխե±լ, ի±նչ տարբերություն` կայծակը որ գլխով է բաց թողնելու՚: Հետաքրքիր է, երբ այդ քաղաքագետին բուհում քաղաքագիտություն էին սովորեցնում, նրան չե±ն բացատրել, որ իրականում ռեալ ընտրական մեխանիզմ աշխարհում գոյություն չունի: Որ ընտրության արդյունքը կանխորոշում են կամ վարչական ռեսուրսի օգտագործումով, կամ հեռուստատեսությամբ ընտրողների ուղեղն այնքան լվանալով, որ արդյունքում խեղճ ընտրողը արդեն գրեթե ոչնչով չի տարբերվում դաունից: Լավ, ինչքան կարելի է կրկնել, տանել-բերել այդ ՙիշխանափոխության՚ եւ ՙժողովրդական ընտրության՚ կեղծ կատեգորիան: Ի վերջո, գրողը տանի, նույն ժողովրդի նկատմամբ մի քիչ ազնիվ եղեք, հերթական անգամ մի փորձեք ժողովրդին օգտագործել:
Իսկ ՖՐԱՆՍԻԱՅՈՒՄ ընդունվել է հերթական իդիոտիզմը: Դե, նրանց դեպքում զարմանալ պետք չէ` եթե չնայած միլիոնանոց ցույցերի` միասեռ ամուսնություն են օրինականացրել, ապա միանգամայն սպասելի էր, որ հիմա էլ հերթական օյինը կբերեն ծխողների գլխին: Քիչ է, որ ծխողներին ճնշում են իդիոտիզմի հասնող արգելքներով, հիմա էլ որոշել են, որ ծխախոտները պետք է ունենան միանման տուփեր, անվանումները գրվեն միեւնույն տառատեսակով, եւ իսպառ արգելվեն որեւէ բրենդային նշաններ: Լավ, դուք լրիվ սադիստ եք արդեն, որ թույլ չեք տալիս գոնե մարդավարի տեսք ունեցող տուփերով վաճառել այդ գրողը տարած ծխախոտը: Չնայած, երեւի այդ նորամուծությունների պատճառով նորից մոդայիկ դառնան 19-րդ դարի վերջին 20-րդ դարի սկզբին ընդունված ոսկյա, արծաթյա, նախշազարդ եւ այլ մշտական ծխախոտատուփերը:

Զարմացած է
ՀՈՎՀԱՆՆԵՍ ԳԱԼԱՋՅԱՆԸ