Հինգերորդ գումարման վեցերորդ նստաշրջանը շարունակվում է, ընդ որում, բավական աշխույժ ու բուռն: Աշխուժություն առաջացավ ԲՀԿ պատգամավորներ Նաիրա Զոհրաբյանի, Միքայել Մելքումյանի, Վահե Էնֆիաջյանի, Էլինար Վարդանյանի, Վահան Բաբայանի ՙԱրտոնագրային վճարների մասին՚ օրենքում փոփոխություններ ու լրացումներ կատարելու մասին նախագծի քվեարկության ժամանակ:
Տեխնիկական անսարքության պատճառով օրինագծին կողմ քվեարկեցին 47 պատգամավոր, 42-ը` դեմ, այն դեպքում, երբ մի քանի պատգամավորի, այդ թվում ԲՀԿ-ից երկու եւ ՀՀԿ-ից վեց պատգամավորների քվեարկության կոճակը չէր աշխատում: Քվեարկության արդյունքներն ուրախացրին ԲՀԿ պատգամավորներին, ովքեր անգամ ծափահարեցին: Դա առաջացրեց ԱԺ նախագահ Գալուստ Սահակյանի զարմանքն ու զայրույթը: ՙԷդ ծափերը որն են, ինչ եք ծափ տալիս, եթե նման բաներից ուրախանում եք, հաճախ կանենք նման բաներ, ընդամենը անսարքություն է՚,- մանրամասնեց ԱԺ նախագահը: Նրա խոսքից հետո կրկնակի քվեարկություն սկսվեց, որը հարուցեց ԲՀԿ-ականների զայրույթը: Նրանք պահանջեցին ԱԺ փոխնախագահ Էդ. Շարմազանովից պարզաբանում` ԱԺ կանոնակարգում որտեղ է գրված ՙսխալ քվեարկություն՚ տերմինը: Ի պատասխան` Շարմազանովը հայտարարեց, որ սխալ քվեարկություն է եղել, այդ թվում նաեւ իրենց կուսակցության անդամների կողմից: Կրկնակի քվեարկությունից հետո ԲՀԿ պատգամավորների օրինագիծը 40 կողմ, 62 դեմ ձայներով չընդունվեց:
1
2524 դիտում
2
2185 դիտում
3
1934 դիտում
4
1888 դիտում
5
1875 դիտում
