Հայաստանի ազգային կինոկենտրոնի նախաձեռնությամբ մեկնարկում է հինգերորդ ՙԿինոաշուն՚ ազգային կինոյի ամիս՚ ծրագիրը, որն այս տարի նվիրվում է Սերգեյ Փարաջանովի 90-ամյակին: Ծրագրի մեկնարկը կտրվի հոկտեմբերի 7-ին Լոռու մարզի Վանաձոր քաղաքից եւ եզրագիծը կհատի նոյեմբերի 7-ին` Արտաշատում:
Մեկ ամիս տեւող ծրագրի ընթացքում Երեւանում, ՀՀ մարզերում, բուհերում, դպրոցներում, ՀՀ ՊՆ տարբեր զորամասերում կցուցադրվեն հայկական կինոյի հին ու նոր նմուշներ: Այս տարվա ՙԿինոաշնան՚ կարեւոր ծրագրից անմասն չեն մնացել նաեւ սահմանապահ գյուղերը, որտեղ եւս կցուցադրվեն ֆիլմեր: Կներկայացվի հատուկ ծրագիր հայկական բանակի եւ արցախյան ազատամարտի թեմայով, որոնք կներկայացվեն հիմնական ցուցադրություններում, ինչպես նաեւ սահմանապահ գյուղերում եւ հատուկ նշանակության բնակավայրերում: Արդեն երկրորդ անգամ ՙԿինոաշուն՚ ծրագրի շրջանակներում կհայտարարվի ՙՀին եւ նոր երեւանցի՚ թեմայով 7-10 րոպե տեւողությամբ ֆիլմերի մրցույթ: Իսկ բուհերի ուսանողների համար հատուկ ընտրվել են վերջին երկու տարիներին նկարահանված ֆիլմերը, որոնց համար հայտարարվում է ՙԼավագույն գրախոսական՚ ավանդական մրցույթը: Ավանդույթի համաձայն այս տարի եւս կնշվեն անվանի կինոգործիչների հոբելյաններ եւ տեղի կունենա նրանց ստեղծագործությունների հետահայաց ցուցադրություններ: Ուսանողների հետ կանցկացվի նաեւ կլոր սեղան -քննարկում ՙՄեր մեծերը՚ խորագրով:
1
2524 դիտում
2
2185 դիտում
3
1934 դիտում
4
1888 դիտում
5
1875 դիտում
