Ակտիվ կուսակցական գործունեությունից հեռանալը ՍՏՅՈՊԱ ՍԱՖԱՐՅԱՆԻՆ ավելի ու ավելի է մղում փիլիսոփայելու գիրկը: Դե, արդեն սովոր ենք, որ նա շաբաթը մեկ գրում է ՙլավաշ՚ վերլուծականներ, որոնց մեջտեղը հասնելուն պես մոռանում ես, թե ինչ էր գրված սկզբում ու որոնցից այդպես էլ պարզ չի լինում, թե ով է ՙքըխ՚ եւ ով` ՙպուպուշ՚:
Սակայն մեզ զարմացրեց նրա մտքի վերջին փայլատակումը. ՙԸնդդիմությունը ե°ւ ռազմավարական մտքի, ե°ւ բարոյականության, ե°ւ օրինապահության, ե°ւ սկզբունքայնության առումով պիտի առաջ լինի իշխանությունից, որ հասարակությունն ասի` ես գնում եմ ընդդիմության հետեւից՚: Կարճ ասած, նա ընդդիմությունից պահանջում է լինել միջնադարյան ասպետների պես ազնիվ եւ վեհանձն ու հին Հունաստանի հանրահռչակ փիլիսոփաներին ոչնչով չզիջել իմաստնությամբ: Լավ, զարմանալի է, այսօրվա ընդդիմադիրներից նման բան պահանջելուց առաջ, վերջին անգամ երբ է սույն պարոնը մոտեցել հայելուն եւ զննել սեփական սֆաթը, ու ինչքանով է սեփական արտացոլումն իրեն դուր եկել... Այն, որ ոչ մի ռեալ բան ՙեռյակ-քառյակից՚ ակնկալելի չէ, անվիճելի քաղաքական փաստ է, Օստապ Բենդերը կասեր, որ դա նույնիսկ բժշկական փաստ է: Եվ իզուր չէ, օրինակ, Նիկոլ Փաշինյանը հիմա իր ՙքաղաքացիական պայմանագիր՚ նախաձեռնությամբ բավականին պասիվ եւ հեռու է մնում հանրահավաքային կրքերից. ՙԹող իրենց անելիքն անեն, որ հետո չասեն` մենք խանգարեցինք՚: Թե հատկապես ինչն է խանգարում վատ պարողին, Նիկոլը չպարզաբանեց, սակայն ՙպարային շարժումների՚ մասին հայտարարեց Երեւանի նախկին քաղաքապետ, ՀԱԿ-իստ ՎԱՀԱԳՆ ԽԱՉԱՏՐՅԱՆԸ. ՙՀոկտեմբերի 10-ին ամեն ինչ կստացվի: Իշխանությունը մարտահրավեր է ուզում, ուզում է, որ պատերազմենք իր հետ` կանենք՚: Սա լսելով, ակամա հիշեցինք մի հին անեկդոտ, ուր առաջարկվում էր. ՙԵկեք պատերազմ հայտարարենք Ամերիկային ու հաջորդ օրն անձնատուր լինենք՚: Դե, եթե սույն գործիչն ուզում է պատերազմ հայտարարել իշխանությանն ու միանգամից անձնատուր լինել, ապա ինչու չի մտածել, որ ՀԱԿ-ի պես ապրանքը նույնիսկ գերու կարգավիճակով պիտանացու չէ: Բայց, օրինակ, ՀՀԿ խմբակցության ղեկավար ՎԱՀՐԱՄ ԲԱՂԴԱՍԱՐՅԱՆԸ խեղճ ՙեռյակ-քառյակի՚ հետ վարվում է որպես իսկական սադիստ. ՙԵս շատ եմ ուզում, որ ՙեռյակի՚ հանրահավաքներին հնարավորինս շատ մարդիկ մասնակցեն, ու շատ մարդիկ լսեն նրանց կենդանի խոսքը, քանի որ անպայման հիասթափվելու են: Մի բան է, երբ մարդիկ մամուլի միջոցով են ծանոթանում նրանց մտքերին, որոնք հաճախ լինում են լավ խմբագրված, մեկ այլ բան է, երբ անմիջականորեն տեսնում ու լսում են նրանց: Այդ դեպքում մեր ժողովուրդը իր կարծիքը ՙեռյակի՚ մասին շատ արագ կկազմի, քանի որ մարդիկ ներկա լինելով` կտեսնեն, կլսեն, թե ո±րն է նրանց իրական օրակարգը, ի±նչ են առաջարկում: Իրականում նրանք ոչինչ չեն առաջարկում: Ասում են` եկեք ներքաղաքական իրավիճակը սրենք, որ կարողանանք գալ իշխանության՚: Լավ, մի±թե պարոն Բաղդասարյանի մեղքը չեն գալիս սրանք, մի±թե թույլիկներին ու տկարներին կարելի է այդպիսի ուժգին նոկաուտի ենթարկել:
1
2524 դիտում
2
2185 դիտում
3
1934 դիտում
4
1888 դիտում
5
1875 դիտում
