ԲՀԿ-Ն ԵՏՄ-ԻՆ ՀՀ-Ի ԱՆԴԱՄԱԿՑՈՒԹՅԱՆ ՀԱՐՑՈՎ ԴԵՌ ՏԵՍԱԿԵՏ ՉՈՒՆԻ, ԹԵ ՉԻ ՈՒԶՈՒՄ ԱՍԵԼ
Արխիվ 12-16
ԴԵՌ ՏԵՍԱԿԵՏ ՉՈՒՆԻ, ԹԵ ՉԻ ՈՒԶՈՒՄ ԱՍԵԼ
-Պայմանագիրը կա, բայց կուսակցությունում դեռեւս այն չի քննարկվել: Ըստ այդմ էլ, ես չեմ կարող կոնկրետ պատասխան տալ: Բայց ես անձամբ թերահավատ եմ, որ Հայաստանը մոտակա ժամանակներս կանդամակցի ԵՏՄ-ին:
- Ինչով է պայմանավորված Ձեր թերահավատությունը:
- Կարծում եմ, մեր երկրում բազմաթիվ խնդիրներ կան, որ ԵՏՄ-ին միանալուց առաջ այդ խնդիրները պետք է լուծվեն:
- Օրինակ:
- Դրանք քաղաքական, տնտեսական եւ այլ տիպի խնդիրներ են, որոնց մասին չեմ ցանկանա այսօր բարձրաձայնել եւ անձնավորել, բայց խնդիրներ իսկապես շատ կան: Այդ իսկ առումով, կարծում եմ, որ մեր անդամակցությունը ԵՏՄ-ին եւս մեկ անգամ կհետաձգվի:
- Բայց արդեն մինչեւ իսկ Ղազախստանի վարչապետն է պաշտոնապես հայտարարել, որ Հայաստանն այլեւս որեւէ խնդիր չունի` ԵՏՄ-ին անդամագրվելու համար:
- Ղազախստանի վարչապետը չէ, որ որոշում է, թե որ պետություններն ինչ խնդիրներ ունեն: Համենայնդեպսª ներկայումս կարեւորագույն խնդիրը ՀՀ-ԼՂՀ-ի մաքսակետի խնդիրն է, որի շուրջ դեռեւս որեւէ պաշտոնական պատասխան չկա: Այսինքնª չի բացառվում, որ ԵՏՄ-ին անդամագրվելուց հետո ՀՀ-ԼՂՀ-ի միջեւ մաքսակետ կդրվի, հենց դա է այն կնճռոտ հարցը, որի շուրջ պետք է շարունակվեն քննարկումները:
- Պարոն Բաբայան, ամեն դեպքում, ինչն է պատճառը, որ մինչ օրս ԲՀԿ-ն պաշտոնական տեսակետ` ԵՏՄ-ի հետ կապված, չի արտահայտել: Դա Ձեզ համար այդքա±ն էլ կարեւոր հարց չէ: Նույնիսկ Ձեր հանրահավաքի օրակարգում էլ նման հարց չկա:
- Մեր օրակարգում լինում են այն հարցերը, որոնք ընդհանուր երեք կուսակցություններով քննարկվում է եւ առաջարկվում: Ամսի 10-ին ընդառաջ` ես այս պահին չեմ կարող ասել, թե ինչ կետերի շուրջ ենք մենք վերջնական կարծիք կամ գնահատական տալու: Բնական է, որ ոչ մի լրջագույն հարց, որը կապված Հայաստանի ապագայի հետ, դուրս չի մնա մեր տեսակետներից, մեր տեսադաշտից:
ԻԼՈՆԱ ԱԶԱՐՅԱՆ
1
2524 դիտում
2
2185 դիտում
3
1934 դիտում
4
1888 դիտում
5
1870 դիտում
