ՍԻՍԻԱՆՈՒՄ ՀԱՆՐԱՀԱՎԱՔԻ ՄԱՍՆԱԿԻՑՆԵՐԸ ՊԱՀԱՆՋԵԼ ԵՆ՝«ԵՌՅԱԿԸ» ՀԵՌԱՆԱ

ՍԻՍԻԱՆՈՒՄ ՀԱՆՐԱՀԱՎԱՔԻ ՄԱՍՆԱԿԻՑՆԵՐԸ ՊԱՀԱՆՋԵԼ ԵՆ՝«ԵՌՅԱԿԸ» ՀԵՌԱՆԱ

Սեպտեմբերի 28-ին Սիսիանում տեղի ունեցած ԲՀԿ-ՀԱԿ-ՀՅԴ համատեղ  մեկ ժամանոց հանրահավաքին մասնակցել է  մոտավորապես 300-350 մարդ: Հավաքվածներից մոտ 50 հոգու բերել էին հանրահավաքի կազմակերպիչ ուժերը:  Հանրահավաքի մասնակիցների մեծ մասը 18-20 տարեկան երիտասարդներն են: «Իրավունքի»՝ Սիսիանի թղթակցի փոխանցմամբ՝ հանրահավաքին ԱԺ ոչ իշխանական ուժերից ելույթով հանդես են եկել  ԲՀԿ պատգամավոր Վարդան Օսկանյանը, «Ժառանգության» խմբակցության  ղեկավար Ռուբեն Հակոբյանը, նույն կուսակցության փոխնախագահ Արմեն Մարտիրոսյանը: Հավաքվածների հետ  ոչ իշխանական ուժերը խոսել են երկրում առկա  սոցիալ- տնտեսական խնդիրների մասին եւ հորդորել քաղաքացիներին  մասնակցել հոկտեմբերի տասի հանրահավաքին՝ իշխանափոխություն անելու:  Վարդան Օսկանյանն էլ իր ելույթում հիշատակել է «Քառյակի» 12 կետերը, բայց մանրամասն չի խոսել դրանց մասին:

Ինչ վերաբերում է շրջանառվող այն լուրերին, թե Սիսիանի ԲՀԿ-ական քաղաքապետ Աղասի Հակոբջանյանը խոչընդոտել է հանրահավաքին, մեր թղթակցի փոխանցմամբ նման բան չի եղել. «Հանրահավաքի ժամանակ  ՀՀ Ագրարային համալսարանի Սիսիանի մասնաճյուղի որոշ ուսանողներ պահանջել են, որ ոչ իշխանական ուժերի ներկայացուցիչները հեռանան: Աղասի Հակոբջանյանն էլ հանրահավաքը խանգարող երիտասարդներին կարգի է հրավիրել»:

ՍՈՆԱ ԴԱՎԹՅԱՆ