ԻՆՉՈ՞Ւ Է ՄԻՔԱՅԵԼ ՄԵԼՔՈՒՄՅԱՆԸ ՑԱՆԿԱՆՈՒՄ ՎԵՐԱԴԱՌՆԱԼ ԱԲՍՈՒՐԴԻՆ

ԻՆՉՈ՞Ւ Է ՄԻՔԱՅԵԼ ՄԵԼՔՈՒՄՅԱՆԸ ՑԱՆԿԱՆՈՒՄ

ՎԵՐԱԴԱՌՆԱԼ ԱԲՍՈՒՐԴԻՆ

Շրջանառության մասին օրենքի թոհ ու բոհը շարունակվում է թեժ մնալ Ազգային ժողովում: Խոսք ուզեց ԱԺ պատգամավոր Խաչատուր Քոքոբելյանը, ով հակադարձելով վերը նշված օրենքի հարակից զեկուցող Միքայել Մելքումյանին ասաց, որ այդ օրենքի կասեցումը կբերի հին ստվերային քաղաքականության վերադարձին. <<Այդ ինչ դուք ասում եք, վերադառնալ հին տարբերակին, կասեցնել օրենքին, նշանակում է հետ գնալ կրկին ստվերային դաշտ>>: Այսինքն, եթե առեւտրականները, կամ այսպես կոչված բիզնեսմենները, փաստաթղթեր չլրացնելով կփորձեն թաքցնել, թե տվյալ ապրանքները որտեղից են ձեռք բերել, այն կբերի ստվերի զարգացմանը: Հակադարձելով Քոքոբելյանին Մելքումյանը տեղից բղավեց. <<Բա մարդիկ եսքան տարի աբսուրդի մեջ էի՞ն աշխատում>>, ... <<Այո այդպես է դուրս գալիս>>.- պատասխանեց Քոքոբելյանը:

Դե ինչ, թե պարոն Մելքումյանի եւ, թե առհասարակ ԲՀԿ-ի համար սա շատ լավ առիթ է քաղաքական դիվիդենտ հավաքելու, որպեսզի ասեն, տեսեք ժողովուրդ ձեզ հետ ենք, բայց այդ նույն ժողովրդին չեն ուզում ասել, որ կողմ քվեարկողները իրենք էլ են եղել, բացառությամբ ԱԺ պատգամավորներ Թեւան Պողոսյանի եւ Ռուբիկ Հակոբյանի: Չմոռանանք, որ նույն ԲՀԿ-ն խոշոր բիզնեսի շահերը պաշտպանող կուսակցություն է, կազմված ՀՀ խոշորագույն բիզնեսմեններից, դե իսկ խոշորին ձեռնատու չէ ձախ ապրանքը մտցնել օրինական դաշտ: Այս պարագայում կարելի է պարզապես ենթադրել, որ կամ ԲՀԿ-ն սկզբից լավ չի հասկացել, թե ինչին է կողմ քվեարկում, իսկ հետո միամիտ հասկանում է, կամ միգուցե, երբ ՀՀ վարչապետ Հովիկ Աբրահամյանը պահանջեց, որ բոլոր խոշոր ձեռնարկատերերը դուրս գան ստվերից եւ մուծեն պետական հարկերը եւ անգամ դրան վերջնաժամկետ դրեց, ապա ԲՀԿ-ն սկզբից որոշեց ենթարկվել եւ կողմ քվեարկեց: Դե իսկ հիմա, երբ հանրահավաքների շրջան է սկսվել եւ Հայաստանը Հանրապետությունը կանգնած է լրջագույն որոշման առաջ, այն է ԵՏՄ-ին անդամակցելը, նույն ԲՀԿ-ն քաղաքականացնում է հարցը, մարդկանց ոտքի հանում եւ փորձում ի լուր ամենքի ցույց տալ, որ իրենք կանգնած են ժողովրդի կողքին, որոշել են ապստամբել եւ ստիպել կառավարությանը հրաժարվել այդ հարկատեսակից, եւ նաեւ միջազգային հանրությանը ցույց տալ, որ Հայաստանը իր երկրում տնտեսական չլուծված հարցեր ունի, որը չի կարողանում լուծի, էլ ուր մնաց ԵՏՄ-ին անդամակցելը:

ԱՐՄԵՆՈՒՀԻ ՀԱԿՈԲՅԱՆ