ՍՈՍ ԳԻՄԻՇՅԱՆԸ՝ ԱՐԱՄ ՄԱՆՈՒԿՅԱՆԻՆ. «ՀԱՅՀՈՅԱՆՔԸ ՊԱՐՏՎԱԾԻ ԽՈՍՔ Է»
Արխիվ 12-16
ՍՈՍ ԳԻՄԻՇՅԱՆԸ՝ ԱՐԱՄ ՄԱՆՈՒԿՅԱՆԻՆ. «ՀԱՅՀՈՅԱՆՔԸ ՊԱՐՏՎԱԾԻ ԽՈՍՔ Է»
«Քրիստոնեա-ժողովրդական վերածնունդ» կուսակցության նախագահ ՍՈՍ ԳԻՄԻՇՅԱՆԸ, «ԻՐԱՎՈՒՆՔ»-ի հետ զրույցում անդրադառնալով մարզերում ԱԺ ոչ իշխանական ուժերի հանրահավաքներին, ասաց, որ այդ ուժերից գոնե երկուսի՝ ԲՀԿ-ի եւ ՀԱԿ-ի վրա բացասական կանդրադառնա այն, որ նրանք նախկինում եղել են իշխանություն, ստացել ժողովրդի վստահությունը, բայց չեն արդարացրել իրենց: «Ամեն դեպքում բարձրացնել ազգի դիմադրողականությունը, ակտիվությունը նորմալ գործընթաց է, չեմ կարող ասել՝ արդյոք ժողովուրդը կհամախմբվի այն ուժերի շուրջ, որոնք իրենց դժվարանում են ընդդիմադիր կոչել»,- մանրամասնեց քաղաքական գործիչը:
Անդրադառնալով Աբովյան քաղաքում ՀԱԿ խմբակցության քարտուղար Արամ Մանուկյանի՝ Սերժ Սարգսյանին ու նրա եղբայրների հասցեին հնչեցրած հայհոյանքին՝ Սոս Գիմիշյանը դա անընդունելի է: «Սուր խոսքեր, դիպուկ գնահատականներ, մեղադրանքներ ես նախկինում հնչեցրել եմ, բայց դաստիարակված ու քաղաքակիրթ մարդը երբեք սահմանը չպետք է անցնի: Ավելի ազդեցիկ է, երբ խոսքդ սուր է,խորն է: Իսկ հայհոյանքը պարտված մարդու խոսք է»,-եզրափակեց «Քրիստոնեա-ժողովրդական վերածնունդ» կուսակցության նախագահը:
Սոնա Դավթյան
1
2524 դիտում
2
2185 դիտում
3
1934 դիտում
4
1888 դիտում
5
1875 դիտում
