ԺԱՄԱՆԱԿՆԵՐԸ ՓՈԽՎՈՒՄ ԵՆ` ԹՈՒՐՔԻԱՆ ՄՆՈՒՄ Է ՆՈՒՅՆ ՈՃՐԱԳՈՐԾԸ

ԺԱՄԱՆԱԿՆԵՐԸ ՓՈԽՎՈՒՄ ԵՆ` ԹՈՒՐՔԻԱՆ ՄՆՈՒՄ Է
ՆՈՒՅՆ ՈՃՐԱԳՈՐԾԸ

Տարիներ շարունակ Թուրքիան ոչնչացրել է հայկական կոթողները, որոնք գտնվում են Արեւմտյան Հայաստանում: Եթե ոչ իր ձեռքով, ապա քրդերի կամ վարձկանների միջոցով, Թուրքիան ծպտված շարունակում է իր եղեռնագործությունը, իսկ միջազգային ամբիոներից հորջորջում, թե ժողովրդավարական երկիր է եւ ցանկանում է բարիդրացիական հարաբերություններ հաստատել իր հարեւանների հետ: Թուրքիայի ձեռքով այսօր Արեւմտյան Հայաստանում իսպառ վերացել են հայկական մշակութային կոթողներից շատերը, իսկ մնացածը ոչնչացնելու համար ՙակտիվ՚ աշխատում է այդ ուղղությամբ:
ՀՀ անկախության օրը` սեպտեմբերի 21-ին, ՙԻրաքի եւ Լեւանտի իսլամական պետություն՚ ահաբեկչական խմբավորման անդամները, որոնց թվում նաեւ թուրքեր կան եւ ֆինանսավորվում են Թուրքիայի կողմից, պայթեցրել են Դեյր Էզ Զորի Սրբոց նահատակաց հայկական եկեղեցին: Ի դեպ` հենց այնտեղ են ամփոփված 1915 թվականին Հայոց ցեղասպանության զոհերի մասունքները, ովքեր իրենց մահկանացուն կնքել են Դեր Զորի անապատում: Հայաստանում արդեն չեն զարմանում Թուրքիայի կատարած վայրագությունների վրա, քանի որ 100 տարի անց էլ շարունակում է իր նախնիների գործը: Հարցի շուրջ ՙԻրավունքը՚ զրուցեց մշակույթի նախարարության ներկայացուցչի եւ մշակույթի գործիչների հետ, ովքեր եւս փաստեցին, որ ինչքան էլ ժամանակները փոխվեն, թուրքն իր տեսակով նույն ոճրագործն է:
ՀՀ մշակույթի նախարարության ժամանակակից արվեստի վարչության պետ ՍԵՅՐԱՆՈՒՀԻ ԳԵՂԱՄՅԱՆ - Կարծում եմ` նույն ձեռագիրն է, նույն հոգեբանությունը, չնայած չեմ էլ ուզում հգեբանություն բառն օգտագործել, քանի որ բարբարոսները կործանելուց զատ այլ հոգեբանություն չունեն: Ժամանակին ամենայն Հայոց բանաստեղծ Հովհաննես Թումանյանն ասել է` եթե մենք թուրքին գազան ենք անվանում, գազաններից պետք է ներողություն խնդրենք: Ես հայերենում չգիտեմ մի բառ, որն այս բարբարոսության համար լինի օգտագործելի: Գուցե նրանց մեջ մնացել է մարդկային մի բջիջ, որը կօգնի նրանց հասկանալ, որ որեւէ կրոնի Աստված չի կարող հանդուրժել նման բարբարոսություն: Դեյր Էզ Զորում ամփոփված մարդկանց ոսկորները, որոնք արդեն մեկ անգամ տանջվել են, կրկին, երկրորդ անգամ են չարչարվում: Ես վստահ եմ, որ այդ մարդիկ կպատժվեն, բոլոր կրոններն էլ ունեն մարդասիրական գաղափարներ, իսկ թե ինչին են ծառայում այդ մարդիկ, չգիտեմ: Տիեզերքը նման բարբարոսություն չի հանդուրժում, վաղ թե ուշ նրանց գլխին այդ ամենը վերադարձվելու է տասնապատիկ:
ՙՍասուն ազգագրական երգի-պարի՚ համույթի ղեկավար ԱՆԴՐԱՆԻԿ սարկավագ ՄԱՆՈՒԿՅԱՆ - Թուրքն իր էությամբ թշնամություն է, որն իր թշնամությունը ցույց է տալիս գործերով: Նա ցանկանում է ցույց տալ, որ իր առջեւ արգելք չկա, եթե ցանկանում է հողերին տիրանալ, ուրեմն պետք է տիրանա: Դարեր շարունակ այս է եղել թուրքը, մարդու մեջ սարսափ է դնում, որ մարդն ինչքան էլ ապրի, ահ ու սարսափով ապրի: Այսօր փաստացի թուրքն ապրում է մեր տարածքում` մեր հողերի վրա: Ես Հայոց ցեղասպանության զոհերի երրորդ սերունդն եմ, թող ինձ ասեն, թե ինչպե±ս եղավ, որ ես եկա ու ապրեցի այստեղ: Ինչ է`  Արագածի լանջերին միջազգային փառատո±ն էր, որ ես եկա մասնակցեցի ու մնացի Հայաստանում: Չէ± որ ես կենդանի ապացույցն եմ թուրքի կատարած ոճրագործության: Չարի դեմ պետք է պայքարենք եւ յուրաքանչյուրի հետ պետք է խոսենք իր լեզվով: Թուրքիան շարունակում է ասել, որ ինքը պետք է ապրի, իսկ մենք`ոչ: Այնքան խելացի պետք է լինենք, որ մեր ձեռին միշտ զենք պահենք, որպեսզի ցանկացած ժամանակ կարողանանք հակահարված հասցնել թշնամուն: Որպես քրիստոնյա ասեմ, որ ամենամեծ թշնամին մեր մեջ է, որին պետք է մաքրենք, որից հետո նոր պիտի լուծենք թուրքերի հարցը՚:

Ներկայացրեց ԶՎԱՐԹ ԽԱՉԱՏՐՅԱՆԸ