ՙԱՄՈԹԱՆՔՆ ԸՆԴՈՒՆՎԵՑ՚. ԿԳ ՓՈԽՆԱԽԱՐԱՐԸ` ՊԱՏԳԱՄԱՎՈՐԻՆ

ՙԱՄՈԹԱՆՔՆ ԸՆԴՈՒՆՎԵՑ՚.
ԿԳ ՓՈԽՆԱԽԱՐԱՐԸ` ՊԱՏԳԱՄԱՎՈՐԻՆ

Ազգային ժողովում տեղի ունեցավ Հայաստանի Հանրապետության Վերահսկիչ պալատի 2013 թվականի տարեկան հաշվետվության քննարկումը` Գիտության, կրթության, մշակույթի, սպորտի, երիտասարդության հանձնաժողովի անդամների հետ: Քննարկումը բավական թեժ էր եւ այն ավելի թեժացավ, երբ պատգամավոր ԱՐԱՄ ՄԱՆՈՒԿՅԱՆԸ հարց ուղղեց ԿԳ փոխնախարարին, թե այս տարի որքան են կազմել դպրոց հաճախող երեխաների եւ բուհ հաճախող ուսանողների թիվը: Սակայն փոխնախարարը  չկարողացավ կոնկրետ թիվ ներկայացնել: ԿԳ փոխնախարար ՄԱՆՈՒԿ ՄԿՐՏՉՅԱՆԸ նշեց. ՙԵթե չեմ սխալվում 300-400 հազարի սահմաններում են՚: Ա. Մանուկյանը զարմացած հարցրեց. ՙԲա այդ 100 հազարը ձեր կողմից եք ավելացնում, ամոթ է, ամոթ, սեպտեմբերն ավարտվում է, դուք դեռ չգիտեք ձեր աշակերտների թիվը՚: Եվ քանի որ արդարացում իսկապես չկար. ՙԱմոթանքն ընդունվեց, պարոն Մանուկյան, մենք անպայման կճշտենք, կտեղեկացնենք՚,- այսպես եզրափակեց հարցը Մ. Մկրտչյանը:
Սրա հետ կապված` հանձնաժողովի նախագահ ԱՐՏԱԿ ԴԱՎԹՅԱՆԸ նախարարությունից պահանջեց, որ մինչեւ սեպտեմբերի վերջ այդ բոլոր թվերը պաշտոնապես ներկայացվեն հանձնաժողովին, քանի որ այն իսկապես ուշացվում է:
Պատգամավորը ՎՊ-ին մեղադրեց նաեւ քրեական հանցագործությունները փափլիկ ներկայացնելու մեջ: Մեկը լինի Արամ Մանուկյանին ամոթանք տա նրա համար, որ քննարկման կեսից վեր կացավ ու գնաց, թեեւ այլ ընդդիմադիրների համեմատ ընդհանրապես բացակայում էին հանձնաժողովի աշխատանքներից: Իսկ Ա. Մանուկյանը գոնե մի քիչ դիմացավ, իր հարցի պատասխանը ստացավ եւ հեռացավ: Նշենք, որ տվյալ պարագայում ընդդիմություն ասելով` նկատի չունեինք ՕԵԿ-ին, քանի որ խմբակցության ղեկավար Հեղինե Բիշարյանը մինչեւ վերջ մնաց եւ բավական աշխույժ մասնակցություն ցուցաբերեց քննարկումներին:
Սրա հետ կապված` հանձնաժողովի նախագահ Արտակ Դավթյանը նախարարությունից պահանջեց, որ մինչեւ սեպտեմբերի վերջ այդ բոլոր թվերը պաշտոնապես ներկայացվեն հանձնաժողովին, քանի որ այն իսկապես ուշացվում է:

ԱՐՄԵՆՈՒՀԻ ՀԱԿՈԲՅԱՆ