ԹԱՂԱՊԵՏԻ ՔԱՐՏՈՒՂԱՐՈՒՀԻՆ՝ԱԶԱՏԱՄԱՐՏԻԿԻ ԲԱԶՄԱԶԱՎԱԿ ԸՆՏԱՆԻՔԻՆ. «ԻՆՉԻ,ԴՈՒՔ ՕԳՆՈՒԹՅԱՆ ԿԱՐԻՔ ՈՒՆԵ՞Ք». ՏԵՍԱՆ

ԹԱՂԱՊԵՏԻ ՔԱՐՏՈՒՂԱՐՈՒՀԻՆ՝ԱԶԱՏԱՄԱՐՏԻԿԻ ԲԱԶՄԱԶԱՎԱԿ ԸՆՏԱՆԻՔԻՆ.

«ԻՆՉԻ,ԴՈՒՔ ՕԳՆՈՒԹՅԱՆ ԿԱՐԻՔ ՈՒՆԵ՞Ք». ՏԵՍԱՆՅՈՒԹ

Ազատամարտիկ, ԵԿՄ անդամ Սամվել Օրդուբեկյանի բազմազավակ ընտանիքն արդեն մի քանի տարի ապրում է Գաջեգործների փողոցի 4-րդ վթարային  շենքի բնակարաններից մեկում: «Իրավունքի» հետ զրույցում ազատամարտիկի  կինը՝ Ժենյա Թովմասյանը, անկեղծանում է՝  բնակարանն իրենց չի պատկանում, պարզապես  կացարան չունենալու պատճառով 2009-ից բնակվում են այդտեղ: «Ընդամենը ստանում եմ 69.000 դրամ նպաստ, այլ օգնություն, որպես բազմազավակ ընտանիք, չեմ ստանում: Երեք տարի շարունակ այս բնակարանում ապրել եմ առանց հոսանքի: Նախագահին դիմելուց հետո միայն հոսանք ստացանք»,- մանրամասնում է տիկին Ժենյան:

Եթե ամեն ինչ հաջողվի, ազատամարտիկի ընտանիքը մեկնելու է Լաչին ՝բնակություն հաստատելու: «Այնտեղ, բազմավազակ ընտանիքներին ավելի շատ են արտոնություն տալիս»,- ասում են ամուսինները:

Ժենյա Թովմասյանի խոսքով՝ իրենք մի անգամ դիմել են Էրեբունու համայնքի  թաղապետարան՝ դստեր համար ջութակի գումար խնդրելու, սակայն «համայնքի բյուջեում գումար չկա» արտահայտությամբ մերժել են նրան. «Էս համայնքում  ԽԾԲ-ի սկզբունքն է գործում: Հետո, որ տեսնում են, որ կարողանում ես մի քիչ ապրես … անգամ թաղապետի քարտուղարուհին ասում է մեզ. «ինչի, դուք օգնության կարիք ունե՞ք»: Ի՞նչ կապ ունի, ինչի կարիք ունեմ, պիտի գամ ողորմություն խնդրե՞մ, որ իմանաս կարիք ունեմ: Անգամ սոցիալապես անապահով ընտանիքի երեխաների համար նախատեսված դպրոցական ամառային ճամբարներից օգտվելու համար պիտի գնաս խնդրես, աղաչես: Խնդրելուց հետո էլ պիտի սպասես՝ քեզ կընդառաջեն, թե՞ ոչ: Էնպիսի մարդիկ են  այդ ճամբարներից օգտվում, որ դրա կարիքը հաստատ չունեն»:

Ի դեպ, ազատամարտիկ Սամվել Օրդուբեկյանը միայն այս տարի՝ անկախության տոնի առթիվ, պարգեւատրվել է շքանշանով:

Մանրամասները՝տեսանյութերում

ՍՈՆԱ ԴԱՎԹՅԱՆ