ՙՙՇԱՏԵՐԸ ԿԱՐԾՈՒՄ ԵՆ` ԵԹԵ ԵՍ ՌՈՒՍԱԿԱՆ ԹԱՏՐՈՆԻ ՂԵԿԱՎԱՐՆ ԵՄ, ՈՒՐԵՄՆ ԳՈՆԵ ԱՄԵՆ ՇԱԲԱԹ ՀԱՆԴԻՊՈՒՄ ԵՄ ՊՈՒՏԻՆԻ ՀԵՏ՚
Արխիվ 12-16
Սեպտեմբերի 22-ին կայացավ հայ-ռուսական բարեկամության խորհրդարանական ակումբի 7-րդ նիստը, որի պատվավոր հյուրը ՌԴ նախագահի միջազգային եւ մշակութային համագործակցության գծով հատուկ ներկայացուցիչ Միխայիլ Շվիդկոյն էր: Հանդիպմանը ներկա էին ԱԺ պատգամավորներ, մշակութային գործիչներ եւ ԶԼՄ-ների ներկայացուցիչներ: Մ. Շվիդկոյը ողջունելով ներկաներին` անդրադարձավ իր հին բարեկամին` ՀՀ ժողովրդական արտիստ, Կ. Ստանիսլավսկու անվան ռուսական դրամատիկական թատրոնի գեղարվեստական ղեկավար ԱԼԵՔՍԱՆԴՐ ԳՐԻԳՈՐՅԱՆԻՆ` իրավացիորեն նրան համարելով հայ-ռուսական բարեկամության կենդանի խորհրդանիշ: Ինչ խոսք` հանդիպումը թեժ էր, ու մշակութային գործիչները չշրջանցեցին նաեւ քաղաքական թեմաները: Անդրադառնալով Ռուսաստանի կողմից Ադրբեջանին զենք վաճառելուն, ինչը մեծ աղմուկ բարձրացրեց Հայաստանում` Ա. Գրիգորյանը բարեկամաբար նշեց. ՙԱյս թեման իսկապես հիվանդագին է: Դուք կարող եք պատկերացնել, որ մեզ մոտ պրեմիերան ավարտվում է բրավոներով ու ծափերով, բայց երբ ես մտնում եմ դահլիճ, ինձ շրջապատում են ու սկսում հարցեր տալ այս մասին: Շատերը կարծում են, որ եթե ես ռուսական թատրոնի գեղարվեստական ղեկավարն եմ, ուրեմն եթե ոչ ամեն օր, ապա գոնե շաբաթը մեկ հանդիպում եմ ՌԴ նախագահ Վլադիմիր Պուտինի հետ: Եվ ինձ ասում են, թե գիտեք` Ռուսաստանը Ադրբեջանին այդպիսի զենք է վաճառել: Ես էլ ասում եմ` հանգստացե°ք, որովհետեւ մեզ վաճառել են կամ նվիրել են այնպիսի զենք, որը կվերացնի Ադրբեջանին վաճառած ռուսական զենքը՚: Հենց այստեղ Մ. Շվիդկոյը կեսկատակ-կեսլուրջ մեջբերեց աստվածաշնչյան խոսքերը. ՙԴա դու ասացիր՚: Ապա շարունակեց Ալեքսանդր Սամսոնիչը. ՙՀնարավոր է, որ ստում եմ, որովհետեւ սա այն հարցն է, որը լուծում չունի՚:
ՀՐԱՆՏ ՍԱՐԱՖՅԱՆ
1
2524 դիտում
2
2195 դիտում
3
1934 դիտում
4
1888 դիտում
5
1882 դիտում
