ՙԷՍՕՐ ՈՐ ԱԽՊԵՐՍ ՄԱՀՎԱՆ ՀԵՏ Է ԿՌԻՎ ՏԱԼԻՍ, ՊԱՏՃԱՌԸ ՄԻ ՀԱՏ ԱԶԴԱՆՇԱՆ ՏԱԼՆ Է՚
Օրերս Գեղարքունիքի մարզի Ծովակ գուղի բնակիչներ` հայր եւ որդի Հրավարդ եւ Մանուկ Սարգսյաններին դաժանաբար ծեծի են ենթարկել: Ըստ տարածված լուրերի` ծեծի պատճառը եղել է իրար ճանապարհ չզիջելը:
Դեպքի մանրամասներին փորձեցինք տեղեկանալ դաժան ծեծի ենթարկված` այժմ ծայրահեղ ծանր վիճակում հիվանդանոցում հայտնված Հրավարդ Սարգսյանի եղբորից` Մուշեղ Սարգսյանից. -Էսօր որ ախպերս մահվան հետ է կռիվ տալիս, պատճառը մի հատ մեքենայի ազդանշան տալն է: Եղբորս տղան էր մեքենայի ղեկին, դրանք փակել են ճանապարհը, էրեխեն ազդանշան է տվել, սրանք էլ դեմը կտրել են եւ չեն թողել առաջ գնա: Մերոնք դուրս են եկել մեքենայից, ու ախպորս տղու ասելով` էն տեսել, որ հայրը ծեծված` արդեն գետնին ընկած է: Անաստված մարդիկ են եղել, էսօր ախպերս ծայրահեղ ծանր վիճակում ա, բժիշկները հույս չեն տալիս, ու էս ամեն ինչը` մի հատ սիգնալի պատճառով: Հավելենք, որ վերոնշյալ դեպքի հետ կապված քրեական գործը հարուցվել է Քրեական օրենսգրքի 112-րդ հոդվածի 1-ին մասի հատկանիշներով (դիտավորությամբ առողջությանը ծանր վնաս պատճառելը): Իսկ հայր եւ որդի Հրավարդ եւ Մանուկ Սարգսյաններին ծեծի ենթարկելու մեջ կասկածվող 27-ամյա Հրանտ Շաբոյանը ձերբակալված է:
1
2524 դիտում
2
2195 դիտում
3
1934 դիտում
4
1888 դիտում
5
1882 դիտում
