Այսօր Ազգային ժողովում տեղի ունեցավ Հայաստանի Հանրապետության Վերահսկիչ պալատի 2013 թվականի տարեկան հաշվետվության քննարկումը` Գիտության, կրթության, մշակույթի սպորտի, երիտասարդության հանձնաժողովի անդամների հետ: Քննարկումը բավական թեժ էր եւ այն ավելի թեժացավ, երբ պատգամավոր Արամ Մանուկյանը հարց ուղղեց ԿԳ փոխնախարարին, թե այս տարի որքան են կազմել դպրոց հաճախող երեխաների եւ բուհ հաճախող ուսանողների թիվը: Սակայն փոխնախարարը չկարողացավ կոնկրետ թիվ ներկայացնել: ԿԳ փոխնախարար Մանուկ Մկրտչյանը նշեց. <<եթե չեմ սխալվում 300-400 հազարի սահմաններում են>>: Ա. Մանուկյանը զարմացած հարցրեց,<<Բա այդ 100 հազարը ձեր կողմից ե՞ք ավելացնում, ամոթ է ամոթ, սեպտեմբերն ավարտվում է, դուք դեռ չգիտեք ձեր աշակերտների թիվը>>: Եվ քանի որ արդարացում իսկապես չկար. <<Ամոթանքն ընդունվեց, պարոն Մանուկյան, մենք անպայման կճշտենք, կտեղեկացնենք>>.- այսպես եզրափակեց հարցը Մ. Մկրտչյանը:
Պատգամավորը ՎՊ-ին մեղադրեց նաեւ քրեական հանցագործությունները փափլիկ ներկայացնելու մեջ: Մեկը լինի Արամ Մանուկյանին ամոթանք տա, նրա համար, որ քննարկման կեսից վեր կացավ ու գնաց, թեեւ համեմատած այլ ընդդիմադիրների հետ ընդհանրապես բացակայում էին հանձնաժողովի աշխատանքներից: Իսկ Ա. Մանուկյանը գոնե մի քիչ դիմացավ, իր հարցի պատասխանը ստացավ եւ հեռացավ: Նշենք, որ տվյալ պարագայում ընդդիմություն ասելով նկատի չունեինք ՕԵԿ-ին, քանի որ խմբակցության ղեկավար Հեղինե Բիշարյանը մինչեւ վերջ մնաց եւ բավական աշխուժ մասնակցություն ցուցաբերեց քննարկումներին:
Սրա հետ կապված հանձնաժողովի նախագահ Արտակ Դավթյանը նախարարությանը պահանջեց, որպեսզի մինչեւ սեպտեմբերի վերջ այդ բոլոր թվերը պաշտոնապես ներկայացվեն հանձնաժողովին, քանի որ այն իսկապես ուշացվում է:
1
2524 դիտում
2
2195 դիտում
3
1934 դիտում
4
1888 դիտում
5
1882 դիտում
