ՙՙՈՎՔԵՐ ԵՆ ՙԻՐԱՎՈՒՆՔԻՆ՚ ԴԱՏԻ ՏՎԵԼ ՈՒ ՏԱԼԻՍ` ԳՈՄԻԿՆԵՐԻՑ ՍԿՍԱԾ` ՎԵՐՋԱՑՐԱԾ ՉԳԻՏԵՄ ԻՆՉ ԱՂԱՆԴՆԵՐՈՎ՚

ՙՈՎՔԵՐ ԵՆ ՙԻՐԱՎՈՒՆՔԻՆ՚ ԴԱՏԻ ՏՎԵԼ ՈՒ ՏԱԼԻՍ`
ԳՈՄԻԿՆԵՐԻՑ ՍԿՍԱԾ` ՎԵՐՋԱՑՐԱԾ ՉԳԻՏԵՄ ԻՆՉ ԱՂԱՆԴՆԵՐՈՎ՚

Երեւանի Քանաքեռ-Զեյթուն ընդհանուր իրավասության դատարանում երեկ տեղի ունեցավ Երեւանի Ավետարանական եկեղեցու խորհրդի նախագահ Լեւոն Բարդակչյանի հայցն ընդդեմ ՙԻրավունք մեդիա՚ ՍՊԸ-ի դատական երկրորդ նիստը, որը դատավոր Ռ. Ափինյանի ուշացման պատճառով սկսվեց կես ժամ ուշացումով:
Դատական այս նիստում փաստաբան Լեւոն Բաղդասարյանը դատարանին հանձնեց Բարդակչյանի` Կոմիտաս վարդապետի հասցեին հնչեցրած հայտարարության ապացույցները: Դրանց հանձնումը կարծես շոկի մեջ գցեց հայցվոր կողմին ու նրա փաստաբանին: Դատավորը հայցվոր կողմից պարզաբանում պահանջեց նաեւ ավետարանական եկեղեցու հովիվ Լեւոն Բարդակչյանի վրա հարձակման մասին: ՙ Ներկայացված հրապարակումներից մեկում գրված է` Լեւոն Բարդակչյանը լուրեր է տարածել, որ ոմն երիտասարդ դանակահարելու սպառնալիքով ներխուժել է իր գրասենյակ եւ դանակահարության փորձ կատարել, որի պատճառը եղել է Կոմիտաս վարդապետի` իր դեմ ուղղված հայտարարությունը: Սա ի±նչ հայտարարություն է: Եկեղեցականներդ սկսել եք մեկդ մյուսի դեմ հայտարարություն անե±լ՚,- հարցրեց դատավորը:
Նախորդ դատական նիստում ՙԻրավունքի՚ հետ զրույցում Բարդակչյանը հայտարարեց, որ ինքը երբեւէ չի ասել, թե Կոմիտաս Վարդապետի արված հայտարարությունից հետո է երիտասարդը փորձել մահափորձ իրականացնել իր դեմ: Սակայն սա միակ հակասությունը չէ: Երեւանի Ավետարանական եկեղեցու խորհրդի նախագահը դատարանում անսպասելի հայտարարություն արեց. ՙՄենք Կոմիտաս Վարդապետի հետ շատ մտերիմ ընկերներ ենք՚: ՙԴե, ներեք միմյանց, ինչպես Քրիստոսն է ներում՚,- ասաց դատավորը:
ՙՄենք կխոսենք իրար հետ, բայց աղավաղում են ճշմարտությունը, անհանդուրժողականություն սերմանում՚,- ասաց Բարդակչյանը:
Փաստաբան Լեւոն Բաղդասարյանը հակադարձեց. ՙՔանի որ խոսվեց ընկերական հարաբերությունների ու մամուլի մասին, պետք է ասեմ, որ մամուլը ոչ միայն սեր պետք է սփռի, այլեւ ցնցի: Յուրաքանչյուր կրոնական կազմակերպություն, որը գործում է Հայաստանում, պետք է լավ ուսումնասիրի ՀՀ Սահմանադրությունը, որտեղ պարտադիր պայման կա Առաքելական եկեղեցու հեգեմոն դերի մասին: Այն անձը, որը կխախտի դա, հետեւանքները լինելու են այսպիսին: Ի վերջո, չենք կարողանում հասկանալ` այս ագրեսիան որտեղից է եւ ինչու: ՙԻրավունք՚ թերթը կրողն է Առաքելական եկեղեցական արժեքների: Հայցվորն ասում է` մենք ընկերներ ենք, բայց թերթը խանգարեց մեր ընկերությունը: Պատմությունը նայեք` ովքեր են ՙԻրավունքին՚ դատի տվել ու տալիս` Առաքելական եկեղեցու դավանանքը խախտողները, գոմիկներից սկսած` վերջացրած չգիտեմ ինչ աղանդներով՚:

ՍՈՆԱ ԴԱՎԹՅԱՆ