ԱՐՈՆՅԱՆԸ ՇԱՆՍԵՐԸ ԿՈՐՑՆՈՒՄ Է ՙՄԵԾ ՍԱՂԱՎԱՐՏԻ՚ ՄՐՑԱՇԱՐՈՒՄ

ԱՐՈՆՅԱՆԸ ՇԱՆՍԵՐԸ ԿՈՐՑՆՈՒՄ Է ՙՄԵԾ ՍԱՂԱՎԱՐՏԻ՚ ՄՐՑԱՇԱՐՈՒՄ

Այս օրերին շախմատի Հայաստանի հավաքականի առաջատար Լեւոն Արոնյանը Իսպանիայի Բիլբաո քաղաքում մասնակցում է ՙՄեծ սաղավարտի՚ 2014 թ. խաղարկության եզրափակիչ փուլին: Մրցաշարի շրջանակներում Արոնյանն ուժերն է չափում Վիշվանաթան Անանդի, Ռուսլան Պոնոմարյովի եւ Ֆրանսիսկո Վալյեխո Պոնսի հետ:
Պոնսի հետ հայ գրոսմայստերն արդեն հասցրել է հանդիպել մրցատախտակի առաջª մրցաշարի հենց առաջին պարտիայում գրանցելով ոչ-ոքի: Արոնյանը իսպանացու հետ մրցել է սեւերով, պարտիան ավարտվել է 46-րդ քայլում:
ՖԻԴԵ-ի երկրորդ համարը երկրորդ տուրում իր առաջին հաղթանակն է տարել, հայ գրոսմայստերը սպիտակներով հաղթել է ուկրաինացի Ռուսլան Պոնոմարյովին. պարտիան ավարտվել է 51-րդ քայլում:
Առաջին երկու տուրերում մրցաշարի գլխավոր ֆավորիտներից մեկըª Վիշվանաթան Անանդը, իր հաշվին երկու հաղթանակ է գրանցել եւ վաստակած 6 միավորով վստահորեն գլխավորում է մրցաշարային աղյուսակը, իսկ Լեւոն Արոնյանն իր ակտիվում ունի 4 միավոր ¥այս մրցաշարում հաղթանակի համար շնորհվում է 3 միավոր, ոչ-ոքիի համարª 1¤: Եթե մինչ մրցաշարի մեկնարկը Արոնյանի ամենալուրջ մրցակիցը համարվում էր Անանդը, ապա մեկնարկից հետո հասկանում ենք, որ հայ շախմատիստը կարող է միավորներ կորցնել նաեւ ոչ ՙհիմնական՚ մրցակիցների հետ պայքարում: Արդյունքում կանխատեսելի է դառնում, որ այս մրցաշարում եւս, Արոնյանը առաջինը լինել չի ձգտում, միայն թե հարց է առաջանումª որքան է պատրաստվում հայ գրոսմայստերը դեռ հիասթափեցնել իր երկրպագուներինª շախմատ խաղալով ՙհաճույքի համար՚…
Իսկ Հայաստանի հավաքականի երկրորդ համար Գաբրիել Սարգսյանը շարունակում է զարգացնել թիմային հաջողությունները: Հայ գրոսմայստերը ՙՄեջիք Էքստրեմադուրա՚ թիմի կազմում բրոնզե մեդալակիր է դարձել Լինարեսում ավարտված Իսպանիայի ակումբային առաջնությունումª 14 հնարավորից վաստակելով 10 միավոր ¥12 միավորով չեմպիոն է դարձել ՙՄերիդա՚ թիմը¤:

ՔՐԻՍՏԻՆԵ ՊԵՏՐՈՍՅԱՆ