ՙՙՀՀ-ՈՒՄ ԿԱՆ ԱՂԱՆԴԱՎՈՐԱԿԱՆ ԿԱՌՈՒՅՑՆԵՐ, ՈՐՏԵՂ ՔԱՐՈԶՎՈՒՄ Է ԻՆՔՆԱՍՊԱՆՈՒԹՅՈՒՆԸ

ՙՀՀ-ՈՒՄ ԿԱՆ ԱՂԱՆԴԱՎՈՐԱԿԱՆ ԿԱՌՈՒՅՑՆԵՐ, ՈՐՏԵՂ ՔԱՐՈԶՎՈՒՄ Է ԻՆՔՆԱՍՊԱՆՈՒԹՅՈՒՆԸ՚

ՙՔայքայիչ պաշտամունքներից տուժածների օգնության եւ վերականգնողական կենտրոնի՚ ղեկավար ԱԼԵՔՍԱՆԴՐ ԱՄԱՐՅԱՆԸ ուսումնասիրություններ է կատարել Էմո ենթամշակույթի անդամների մասին, եւ ուսումնասիրության արդյունքում պարզել, որ այսօրվա դեռահասները ծնողների կողմից վերահսկողության տակ չեն, ինչպես որ հարկն է: Մեզ հետ զրույցում խոսելով էմոների տարածման մասին` պարոն Ամարյանն ասաց.
-Էմոները վերջերս կարծես ակտիվացել են, հիմնականում ՙՄալիբու՚ սրճարանի մոտ գտնվող այգում են հավաքվում: Այդ առումով, բազմաթիվ ուսումնասիրության արդյունքում, եկել եմ այն եզրակացության, որ այսօրվա դեռահասները չափից դուրս ինքնուրույն են, եւ ոչ մի ծնող չի վերահսկում երեխաներին` ինչպես որ հարկն է: Արդյունքում դեռահասները հեշտությամբ դառնում են Էմոներ, եւ եթե ինքնասպան չեն լինում, ապա ինքնասպանության փորձեր հաստատ անում են: Ցավալին այն է, որ Հայաստանում էմո երիտասարդական ենթամշակույթի ներկայացուցիչների գործած ինքնասպանությունները չեն բացահայտվում: Այսինքն, եթե էմոյականը ինքնասպանություն է գործել, ոստիկանությունը չի ասում, որ իրեն դրդել են, սակայն էդ շարժման մեջ մտնող երեխային արդեն դրդում են, նրան ինքնասպանության օր, նույնիսկ ժամ են ասում, այսինքն` մարդկանց զոմբիացնում են:
Թե որքան էմոներ կան այս պահին Հայաստանում, պարոն Ամարյանը հետեւյալ պատասխանը տվեց.
- Հստակ ասել, թե որքան` դժվար է, բայց հաշվի առնելով դեռահասների շրջանում ինքնասպանությունների թվի շատացումը` մոտավորապես հազարից ավելի: Էմո ենթամշակույթի անդամներն այն պատանիներն են, որոնք միայնակ են, ծնողական ուշադրությունից դուրս են մնացել: Երեխան իրեն մենակ զգալով` ընկնում է մի այլ` փոքր միջավայր, որտեղ հավաքվում են իր նմանները` միայնակները: Նրանք վախենում են մահից, բայց միաժամանակ այն գրավում է նրանց, որովհետեւ մտածում են, որ մահը կարող է փրկություն լինել միայնությունից եւ ցավից, որը զգում է յուրաքանչյուր էմո այս աշխարհում:  Բայց էդ խմբավորման մեջ մի այսպիսի բան կա. բոլորը` որպես ՙբունտ՚, մինչեւ 17 տարեկանը պիտի կատարեն ինքնասպանության փորձ: Դա ոչ թե թեթեւ բան պետք է լինի, այլ լուրջ փորձ. կփրկենª կփրկեն, չէª ուրեմն կմահանա: Այսինքն, եթե էմո են, ապա պետք անպայման ինքնասպանություն գործեն: Էմո դառնալու հիմնական տարիքը 13-14 տարեկանն է: Էմոները տարբերվում են ինքնարտահայտմամբ, դեմ են անարդարությանը, ունեն յուրահատուկ աշխարհընկալում: Նրանք շատ խոցելի են ու շուտ ընկճախտի մեջ են ընկնում:
Էմոցիաների, զգացմունքների վառ արտահայտումը էմոների գլխավոր օրենքն է: Էմոների ուշադրությունը հաճախ ուղղված է դեպի անձնական հուզական դաշտը, նրանց չեն հետաքրքրում հասարակական իրադարձությունները:
Էմոները հագնում են սեւ ու վարդագույն հագուստ, կրում են զանազան նշաններ իրենց վրա, թիթեռնիկներ մազերին եւ ամենուր:
Կենտրոնի տնօրենի խոսքով` այսօր ՀՀ-ում կան նաեւ քայքայիչ աղանդներ, որոնք եւս մարդկանց դրդում են ինքնասպանության կամ, համենայնդեպս, հասցնում նման վիճակի.
- Աղանդավորական կառույցների մեծամասնության անդամները տեւական ժամանակ այցելելով իրենց հավաքներինª ստանում են հոգեկան խանգարում: Ավելինª այս պահին Հայաստանում կան գործող աղանդավորական կառույցներ` խարիզմատիկ կամ հոգեգալուստական, որտեղ քարոզվում է հենց ինքնասպանությունը: Նման աղանդների մեջ է մտնում նաեւ ՙԽորանը՚:
Անդրադառնալով Հայաստանում գործող աղանդների տարածմանը` մեր զրուցակիցը մասնավորապես նշեց.
- Որքան էլ, որ զարմանալի է, վերջին շրջանում նոր աղանդ չի հայտնաբերվել Հայաստանում, իսկ ՙԿյանքի խոսքը՚ առհասարակ լուծարվել է:

ԻԼՈՆԱ ԱԶԱՐՅԱՆ