Ինչպես հայտնի է ՎԼԱԴԻՄԻՐ ԺԻՐԻՆՈՎՍԿԻՆ...

Ինչպես հայտնի է ՎԼԱԴԻՄԻՐ ԺԻՐԻՆՈՎՍԿԻՆ Եվրամիության աչքի գրողն է, եւ նրան մտցրել են այն անձանց սեւ ցուցակը, ովքեր չեն կարող մուտք գործել ԵՄ: Բայց զարմանալիորեն պարզվում է, որ ԼՏՊ-ի ասած ՙեվրաբյուրոկրատների՚ թույլ տված սխալի, իսկ ավելի ճիշտ` եզակի բթամտության հետեւանքով անհնարին է դարձել այդ որոշումն ի կատար ածելը: ԵՄ պաշտոնական մատյանում գրված է, որ Ժիրինովսկին ծնվել է 1964թ. հունիսի 10-ին, Ղազախստանի Էլդենշտեյն քաղաքում: Մինչդեռ իրականում նա ծնվել է 1946թ. ապրիլի 25-ին, Ալմա-Աթայում, իսկ մինչեւ 1964թ. հունիսի 10-ը նա կրում էր Էլդենշտեյն ազգանունը: Ու մի հասարակ գրառման մեջ այդքան սխալ արած, ծննդավայրն ու նախկին ազգանունը շփոթած չինովնիկները դեռ համարձակվում են ամբողջ աշխարհին սովորեցնել, թե ինչպես է պետք ապրել: Զարմանալով հանդերձ, մնում է նրանց խորհուրդ տալ մինչեւ աշխարհի գլխին քարոզ կարդալը եւ որեւէ որոշումներ ընդունելու հավակնելը, գոնե տարրական դպրոց հաճախել, եթե իհարկե, բժիշկներն ի ծնե նրանց չեն տվել դաունի ախտորոշում:
Բայց եվրաչինովնիկներից առանձնապես հեռու չի գնացել ՀԱԿ խմբակցության ղեկավար ԼԵՎՈՆ ԶՈՒՐԱԲՅԱՆԸ, ով զարմանալիորեն ապրում է իր իսկ մոգոնած հեքիաթային, այլ ոչ թե իրական աշխարհում: Եվ այդ աշխարհում նրա աչքին երեւացել է հետեւյալը. ՙՄեզ համար շատ կարեւոր էր իշխանական քարոզչամեքենայի ֆոնի վրա` ՙքառյակի՚ պառակտման մասին, ցույց տալ, որ քաղաքական ուժերը, ընդդիմությունը միասնական է, վճռական եւ պատրաստ է արդյունավետ աշխատանքի, իսկ հետո արդյունավետ հրապարակավ պայքարի Երեւանի փողոցներում, ժողովրդի հետ: Իշխանական քարոզչամեքենայի ստեղծած բոլոր լեգենդները եւ միֆերը մենք ջախջախեցինք՚:  
Բայց զարմանալիորեն պարզվում է, որ ՀՅԴ խմբակցության քարտուղար ԱՂՎԱՆ ՎԱՐԴԱՆՅԱՆԸ ամենեւին էլ Լեւոն Զուրաբյանի լավը չի ուզում: Նա, մեղմ ասած, կասկածի տակ է դնում ՙքառյակի՚ միասնականությունը. ՙՎաղը քառյակը հերթական նիստը կանի եւ կհայտարարի իր հերթական գործողությունների մասին, նորից ու նորից եմ ասում` քառյակը քառյակ է բոլոր այն դեպքերում, երբ որեւէ հարցի շուրջ կա բոլոր քաղաքական ուժերի համաձայնությունը՚: Իսկ այն դեպքերի համար, երբ հիմնարար հարցերի շուրջ համաձայնություն չկա, ըստ Աղվան Վարդանյանի` ՙԻսկ դա նշանակում է, որ չկա քառյակ, այլ կա եռյակ, երկյակ կամ վեցյակ՚: Դե ինչ, երեւի թե թվաբանության ոլորտում արված գյուտի համար արժե Աղվան Վարդանյանին Նոբելյան մրցանակ տալ...
Հիշում եք, ժամանակին ռուս հեռուստալրագրող ԴՄԻՏՐԻ ԿԻՍԵԼՅՈՎԸ տարակուսել էր, թե ինչու երեւանցի 20-ամյա տաքսիստը այնքան վատ գիտեր ռուսերեն, որ չէր կարողանում ռուսերեն հաշվել: Սակայն պատկերացնում ենք, թե զարմանալիորեն ինչ աստիճանի կհասներ մեր գործընկերոջ տարակուսանքը, եթե նա հանկարծ այցելեր Ադրբեջան: Այնտեղ տեղի է ունեցել մի ապշեցուցիչ դեպք` հաջողացրել են հրատարակել ռուսաց լեզվի դասագիրք, որը, սակայն հնարավոր է կարդալ միայն արաբական տեքստի պես` աջից ձախ: Երեւի թե, ժամանակակից գիտությանը հասու չէ կովկասյան թուրքի ուղեղի կառուցվածքը: Կամ էլ, դա նոր ռազմավարություն է` մազութային սուլթանատում տեսնելով, որ հայերիս որեւէ սպառազինությամբ չեն կարողանում հաղթել, զարմանալիորեն որոշել են բոլորիս սպանել ծիծաղեցնելու միջոցով:

Զարմացած է
ՀՈՎՀԱՆՆԵՍ ԳԱԼԱՋՅԱՆԸ