Օրերս Օդեսայում մահափորձ են կատարել 39-ամյա վրացի ՙօրենքով գողի՚` Կախաբեր Պարպալիայի (Կախա) դեմ: Վերջինիս հաջողվել է փախչել, սակայն մահափորձի արդյունքում վիրավորվել են ՙօրենքով գողի՚ թիկնապահները, ինչպես նաեւ ուղեկցող երկու աղջիկները, որոնցից մեկը մահացել է: Մեզ հետ զրույցում այս մասին պատմելով` քրեագետ ՍԵՐԳԵՅ ԳԱԼՈՅԱՆԸ մանրամասնեց.
- Այս մահափորձը մեկ անգամ եւս փաստում է, որ Տարիել Օրեանի եւ Դեդ Հասանի սպանությունից հետո նրան փոխարինած Շաքրո Մոլոդոյի ղեկավարած կլանների միջեւ ՙփողային՚ պատերազմները շարունակվում են: Մինչ այս, մի քանի ամիս է, որ լռել էին երկկողմանի հակամարտության մասին լուրերը: Բայց, ինչպես եւ սպասվում էր, դա ընդամենը ժամանակավոր դադար էր: Կախայի մահափորձն էլ վկայում է, որ երկու կլանների միջեւ վրեժը դեռեւս վերջնականապես լուծված չէ, չնայած որ Դեդ Հասանի փոխարինողը արդեն կա: Իսկ դա նշանակում է` քրեական աշխարհում սպանությունները, մահափորձերը դեռ շարունակվելու են: Թե որքան եւ ինչ ավարտ կունենաª դեռեւս կդժվարանամ ասել: ԻԼՈՆԱ ԱԶԱՐՅԱՆ
1
2532 դիտում
2
2215 դիտում
3
1947 դիտում
4
1904 դիտում
5
1888 դիտում
