ԼԵՎՈՆ ԶՈՒՐԱԲՅԱՆԸ ԿԱՆԳՆԵՑ ԲՀԿ-Ի ՈՒ «ԺԱՌԱՆԳՈՒԹՅԱՆ» ԹԱՍԻԲԻՆ

ԼԵՎՈՆ ԶՈՒՐԱԲՅԱՆԸ ԿԱՆԳՆԵՑ ԲՀԿ-Ի ՈՒ «ԺԱՌԱՆԳՈՒԹՅԱՆ» ԹԱՍԻԲԻՆ

ՀԱԿ խմբակցության  ղեկավար Լեւոն Զուրաբյանը երեկ՝ԱԺ ճեպազրույցների ժամին, անդրադառնալով ԲՀԿ ղեկավար Գագիկ Ծառուկյանի՝սահմանադրական բարեփոխումներին լուրջ չվերաբերվելու մասին հայտարարությանը, ասաց, որ թե՛ այդ հայտարարությունը, թե՛ հարցազրույցում հնչեցրած մտքերը ՀԱԿ-ի համար որեւէ կասկած չեն առաջացնում:

«Իրավունքը» ՀԱԿ խմբակցության ղեկավար Լեւոն Զուրաբյանից  պարզեց՝ եթե ԲՀԿ-ն երկու տարի առաջ կողմ էր սահմանադրական բարեփոխումներին, հիմա էլ դրանց լուրջ չի վերաբերվում, մտավախությունի չունի Զուրաբյանը, որ հետո  Բարգավաճ Հայաստան կուսակցությունը կարող է փոխել իր տեսակետը, իսկ ՀԱԿ-ը հայտնվի անհարմար վիճակում

Հիշեցնենք, որ երեկ  ՀՀԿ խմբակցության ղեկավար  Վահրամ Բաղդասարյանը  չէր բացառել, որ  առաջիկայում ԲՀԿ-ը կփոխիր իր դիրքորոշումը սահմանադրական բարեփոխումների մասին:

Լեւոն Զուրաբյանը համաձայն չէ, որ ԲՀԿ-ն երկու տարի առաջ այլ բան էր ասում,  հիմա այլ կարծիք է հայտնում: «Իրենք ասում են՝ կողմ են  խորհրդարանական  կառավարման համակարգին, բայց քանի որ սահմանադրական բարեփոխումներն այս տեսքով իշխանության վերարտադրմանն են նպաստում, իրենք դեմ են:  Ո՛չ ԲՀԿ-ի, ո՛չ էլ «Ժառանգության» մոտ տեսակետների փոփոխություն չկա»,- եզրափակեց Լ. Զուրաբյանը:

Սոնա Դավթյան