ՖՐԱՆՍԻԱՅԻ ԴԵՍՊԱՆԱՏՈՒՆԸ ԽԵՂՈ՞ՒՄ Է 3,5-ԱՄՅԱ ԻԳՈՐԻ ՃԱԿԱՏԱԳԻՐԸ

ՖՐԱՆՍԻԱՅԻ ԴԵՍՊԱՆԱՏՈՒՆԸ ԽԵՂՈ՞ՒՄ Է 3,5-ԱՄՅԱ ԻԳՈՐԻ ՃԱԿԱՏԱԳԻՐԸ

3,5-ամայ Իգոր Զաքիյանը  ունի տեսողության խնդիր: Հայաստանում փոքրիկը արդեն մեկ անգամ վիրահատվել է, սակայն չի հաջողվել վերականգնել նրա տեսողությունը: Հայաստանում Իգորի ծնողներին խորհուրդ են տվել երեխային տանել Մոսկվա, որտեղ հանարավոր է, վիրահատական միջամտությամբ վերկանագնել տեսողությունը: Սակայն Մոսկավայում անցած հետազոտությունները նույնպես արդյունք չեն տվել: Այսօր արդեն բազմաթիվ բարերարների եւ սրտացավ մարդկանց աջակցությամբ երեխան կարող է վիրահատվել Ֆրանսիայի հիվանդանոցներից մեկում: Ավելին`նշանակված է վիրահատության օրը`հոկտեմբերի 3-ին: Ամբողջ խնդիրն այն է, որ Հայաստանում Ֆրանսիայի դեսպանատունը թույլ չի տալիս, որպեսզի երեխայի ծնողները մեկնեն նրա հետ պատճառաբանելով, որ ծնողներից միայն մեկը կարող է գնալ Ֆրանսիա.«Իգորը մեր միակ եւ երկար սպասված երեխան է, ես եւ կինս միշտ նրա կողքին  ենք եղել: Մեկ անգամ ես եւ երեխան արդեն եղել ենք Ֆրանսիայում, որտեղ Իգորը չեմ էլ կարող նկարագրել թե ինչ օրեր է ունեցել առանց մայրիկի: Երեխան ջերմում էր եւ այնքան էր լացել, որ աչքերի կարմրածության պատճառով չհաջողվեց նորմալ հետազոտել »,-լրագրողների հետ հանդիպման ժամանակ նշեց Իգորի հայրը`ՌՈՄԱՆ ԶԱՔԻՅԱՆԸ: Նրա խոսքով` իրենք դեսպանատանն են ներկայացրել պահանջված բոլոր փաստաթղթերը, բայց կրկին մերժվել.«Ինձ առաջարկել են, կամ ծնողներից մեկը պետք է գնա Իգորի հետ կամ երեխան պետք է գնա միայնակ`Ֆրանսիայում նրա համար արդեն գտնել են խնամողի: Ես չեմ ուզում իմ երեխան գնա տեսողությունը վերկանգնի, բայց ձեռք բերի մեկ ուրիշ հիվանդություն, առանց այդ էլ նա մեծ հոգեբանական սթրեսի մեջ է»,-տեղեկացրեց Ռ. Զաքիյանը:

Իսկ թե ինչու է դեսպանատունը մերժում ծնողներից մեկին` Ռոման Զաքիյանը տալիս է հետեւյալ բացատրությունը.«Հնարավոր է մտածում են, թե ես գնամ Ֆրանսիա եւ չվերադառնամ: Ես փախստական եմ եւ եթե ցանկանայի այդ կարգավիճակով վաղուց այլ երկրում կապրեի: Հայաստանում ունեմ հիվանդ ծնողներ, որոնց խնամողը ես եմ, այստեղ աշխատանք ունեմ, իմ ընտրությունը վաղուց արդեն կատարել եմ»:

Նշենք, որ օրեցօր Իգորի տեսողությունը վատանում է,եթե մինչեւ սեպտեմբերի 26-ը Ֆրանսիայի դեսպանատունը շարունակի իր մերժումները , ապա փոքրիկը կզրկվի տեսողություն ունենալու վերջին հնարավորությունից:

ԶՎԱՐԹ ԽՉԱՏՐՅԱՆ