ՀՀԿ ԽՄԲԱԿՑՈՒԹՅԱՆ ՂԵԿԱՎԱՐԸ ԹԱՐՄԱՑՐԵՑ ԲՀԿ-Ի ՀԻՇՈՂՈՒԹՅՈՒՆԸ

ՀՀԿ ԽՄԲԱԿՑՈՒԹՅԱՆ ՂԵԿԱՎԱՐԸ ԹԱՐՄԱՑՐԵՑ ԲՀԿ-Ի ՀԻՇՈՂՈՒԹՅՈՒՆԸ

Իշխանության ներկայացուցիչները բազմիցս հայտարարել են, որ  ոչ իշխանական ուժերը՝ քառյակը, պետք  է իր դիրքորոշումը հայտնի սահմանադրական բարեփոխումների վերաբերյալ: Սեպտեմբերի 9-ին ՀԱԿ-ի ու ԲՀԿ-ի առաջնորդները հանդիպել են: Երկու քաղաքական ուժերը  վերահաստատել են վերահաստատել են ներկա իրավիճակում առաջարկվող սահմանադրական փոփոխությունների ճանապարհով երկրի կառավարման համակարգի փոփոխության անընդունելիության մասին իրենց դիրքորոշումները: «Իրավունքը» ՀՀԿ խմբակցության ղեկավար Վահրամ Բաղդասարյանից հետաքրքրվեց՝ արդյոք իշխանությունը սա չի համարում պատասխան քառյակի երկու ուժերի կողմից: Ի պատասխան ՀՀԿ խմբակցության ղեկավարն ասաց, որ վերոնշյալ քաղաքական ուժերը պետք է  նար փաստարկներ ու հիմնավորումներ ներկայացնեն: «Քաղաքական ուժերից մեկն ասում է, որ սահմանադրական բարեփոխումներին դեմ են, քանի որ ունեն նախագահի թեկնածու»,-հիշեցրեց Վահրամ Բաղդասարյանը՝ նկատի ունենալով երկու օր առաջ ԲՀԿ խմբակցության քարտուղար Նաիրա  Զոհրաբյանի հայտարարությունը:

Հիշեցնենք, որ ԲՀԿ խմբակցության քարտուղար Նաիրա Զոհրաբյանն օրեր առաջ   հայտարարել էր, որ ԲՀԿ-ն կարող է հավակնել առաջիկա նախագահական ընտրություններում սեփական թեկնածու առաջադրելուն, հետեւաբար դեմ է սահմանադրական բարեփոխումներին:

ՀՀԿ խմբակցության ղեկավարը նախագահի թեկնածու ունենալու հայտարարությունը որպես հակափաստարկ սահմանադրական բարեփոխումներին  քաղաքական չի համարում, քանի որ պետք է ապագայի համար հասկանալ՝որ մոդելն է արժանահավատ:  «Խորհուրդ եմ տալիս ԲՀԿ-ին հիշել՝ ինչ էին ասում երկու տարի առաջ սահմանադրական բարեփոխումների մասին: Ինչպես է, որ գաղափարները, կարծիքները շատ կարճ ժամանակահատվածում փոխվում են: Քաղաքական ուժերն իրենց տեսակետներով են կայուն: Իսկ թե ինչու է կտրուկ ձեւով փոխվել դիրքորոշումը, դա արդեն մտածելու տեղիք է տալիս »,-մանրամասնեց պրն Բաղդասարյանը:

-Պրն Բաղդասարյան, ՀԱԿ-ն ու ԲՀԿ-ն նաեւ հայտարարել են, որ այցելելու են մարզեր և փորձելու են իրենց շուրջ մոբիլիզացնել ժողովրդին: Արդյոք հանրությունը կմիավորվի քաղաքական այդ ուժերի շուրջ, որոնք լինելով ժամանակին  իշխանություն,  ունեն իրենց բաժին պատասխանատվությունը երկրում առկա խնդիրների համար:

-Ընդհանուր առմամբ պետք չէ նախօրոք որոշել՝ ում շուրջ կհամախմբվի ժողովուրդը: Սահմանադրական փոփոխությունները, որպես կարեւորագույն խնդիր, պետք է հանրությանը շատ լավ մատուցվի, իրավիճակն էլ ճիշտ բնութագրվի:

Սոնա Դավթյան