Մերձմոսկովյան Լենինյան շրջանում երեկ գյուղական ճանապարհին հայտնաբերվել էր 33-ամյա մոսկվացու դին: Նա սպանվել էր դանակահարության հետեւանքով:
Մարմնի վրա առկա էին նաեւ տրավմատիկ հրազենի կրակոցների հետքեր: Լրատվամիջոցները համարում են, որ այդ դեպքը առնչվում է սերիական այն սպանություններին, որոնց զոհերը ավտովարորդներ են: Դեպքի վայրում հետքաբանները գտել էին դանակ եւ ատրճանակի 7 պարկուճ: Սպանվածի մեքենան չէր առեւանգվել եւ գտնվել էր դիակից 30 մետր հեռավորության վրա: Քննչական կոմիտեի լռությունը կարող է բացատրվել այն հանգամանքով, որ առայժմ անհասկանալի են մնում այդ հանցագործությունների շարժառիթները:
ԿՄԱԽՔԸ ՙԽՈՍԵՑ՚
Սպանությունը կատարվել էր 2012-ին: Երկու տարի անց հայտնաբերվել էր սպանված տղամարդու կմախքը: Եվս 2 ամիս անց փորձագետ-կրիմինալիստները բացահայտել էին հանցագործությունը: Կմախքը ՙպատմել՚ էր, որ կենդանության օրոք այն պատկանել էր միջին տարիքի մի տղամարդու, որը սպանվելուց առաջ գնացել էր հանրային բաղնիք, այնտեղ խմել էր իր ծանոթի հետ, թեժ վիճել ու... քնել: Նրա հարբած ու վիրավորված ծանոթը քնած հակառակորդին տեղափոխել էր ամայի մի վայր եւ մետաղական իրով հարվածներ հասցնելովª սպանել: Ձերբակալված հանցագործը չէր հերքել կմախքի կողմից ՙառաջարկված՚ վարկածը:
ԿԾԵԼ ՈՍՏԻԿԱՆԻՆ ՈՒ ՄԱՀԱՆԱԼ
Լենինգրադի մարզի Պետրոզավոդսկ քաղաքում ոստիկանության պարեկախումբը մոտեցել էր հարբած տղամարդուն ու կնոջը եւ փորձել էր ՙսթափեցնել՚ նրանց: Զայրացած կինը կծել էր ոստիկաններից մեկին ու տեղում մահացել:
1
2532 դիտում
2
2215 դիտում
3
1947 դիտում
4
1917 դիտում
5
1893 դիտում
