ԾԽԵԼՈՒ ԿՈՒԼՏՈՒՐԱ

ԾԽԵԼՈՒ ԿՈՒԼՏՈՒՐԱ

- Օրեր առաջ լրատվական միջոցներից մեկը նկարահանել էր հարցազրույց քաղաքագետ Անդրանիկ Միհրանյանի հետ, ով սիգարը ձեռքին հարցազրույց էր տալիս: Հայաստանյան օրենքները թույլ տալիս են եթեր դուրս գալ ծխախոտը ձեռքին, եթե ոչ` ով է դրա համար պատասխան տալու, եւ ով պետք է հսկողություն սահմանի:
ՆՈՒՆԵ ՍԻՄՈՆՅԱՆ, ք. Երեւան
Հայաստանում բացակայում է ծխելու կուլտուրան, ծխում են ամենուր, իսկ ծխախոտի մնացորդը գցում` ուր պատահի: Լիազոր մարմինները օրենքի ուժով կարող են եւ պարտավոր են պատասխանատվության ենթարկել այն զանցառուին, ով ոչ միայն ծխում է արգելված վայրերում, այլ նաեւ զլանում է ծխախոտի մնացորդը գցել աղբարկղ: Բավական է երթեւեկել Երեւան քաղաքի կենտրոնական փողոցներից մեկով եւ հաշվել, թե քանի սիգարետի մնացորդ է մեքենաներից նետվում փողոց:
Ծխախոտի իրացման, սպառման եւ օգտագործման սահմանափակումների մասին ՀՀ օրենքի 11-րդ հոդվածի ուժով արգելվում է ծխելը բոլոր հիմնարկների, կազմակերպությունների, շենքերի տարածքներում` բացառությամբ դրա համար նախատեսված վայրերի: Սույն իրավանորմը խախտելու դեպքում պատասխանատվությունն ընկնում է տվյալ հաստատության ղեկավարի, ինչպես նաեւ տվյալ իրավախախտի վրա, վերահսկողությունը` պետական լիազոր մարմինների վրա:

ԼԵՎՈՆ ՍՈԽԱԿԻ ԲԱՂԴԱՍԱՐՅԱՆ
ՙԼեւ գրուպ՚ փաստաբանական
գրասենյակի հիմնադիր
նախագահ
www.levgroup.am
Հարցեր կարող եք ուղարկել նաեւ
[email protected] հասցեով