ՋԱՆ-ՋԻԳՅԱՐ ԱՆՈՂ ԱՐԾՎԻԿ ՄԻՆԱՍՅԱՆԸ ՋՂԱՅՆԱՑԱԾ Է

ՋԱՆ-ՋԻԳՅԱՐ ԱՆՈՂ ԱՐԾՎԻԿ ՄԻՆԱՍՅԱՆԸ ՋՂԱՅՆԱՑԱԾ Է

ՀՀԿ պատգամավոր Արփինե Հովհաննիսյանի վարչական իրավախախտումների մասին օրենքում փոփոխություններ անելու նախագիծը ԱԺ-ում  բուռն քննարկվում է:  Պատգամավորների հիմնական մտահոգությունը քաղաքացիներին պատշաճ ծանուցումն է: ՀՅԴ պատգամավոր Արծվիկ Մինասյանն առաջարկում է  խնդիրը  արմատական լուծել: «Դուք փող տանելն եք հեշտացնում, բայց   քաղաքացուն վարչական իրավախախտման ենթարկելիս ձայն չեք տալիս նրան: Արձանագրություն եք կազմում, փողը  վզին փաթաթում, ասում ՝ գնա մուծվի: Օրենքի այս տեսքով անգամ մահացած մարդուն կարելի է  տուգանել»,- ասաց ՀՅԴ պատգամավորը:

Դահլիճից որոշ պատգամավորներ քմծիծաղ տվեցին Մինասյանի հիմնավորումներին, որն էլ նյարդայնացրեց պատգամավորներին.«Կարող եք քմծիծաղ տալ, բայց դրանից ոչինչ չի փոխվի: Մի արձագանքեք, թողեք ես խոսեմ»:

ՀՅԴ պատգամավորհը համակարծիք  է ՀՀԿ խմբակցության  պատգամավոր Հայկ Բաբուխանյանի հետ, որ եթե մարդը  չի ստացել իրեն տուգանքի ենթարկելու մասին  ծանուցագիրը, նրան չի կարելի պատժել:

Դիմելով պատգամավոր Ա. Հովհաննիսյանին՝ Արծվիկ Մինասյանը ասաց. «Արփինե ջան», ԱԺ փոխնախագահ Շարմազանովն  էլ հակադարձեց. «Պրն Մինասյան,  ջան- ջիգյար եք անում, բայց ջղային եք»:

Սոնա Դավթյան