Փորձագետ. «ՉԻ ԿԱՐԵԼԻ ՖԻԼՄԵՐ ԱՐՏԱԴՐԵԼ`ԱԶԻԶ, ՅԱՆԻ, ԱՊԵՐ ՋԱՆ ԲԱՌԵՐ ՕԳՏԱԳՈՐԾԵԼՈՎ»

Փորձագետ. «ՉԻ ԿԱՐԵԼԻ ՖԻԼՄԵՐ ԱՐՏԱԴՐԵԼ`ԱԶԻԶ, ՅԱՆԻ, ԱՊԵՐ ՋԱՆ ԲԱՌԵՐ ՕԳՏԱԳՈՐԾԵԼՈՎ»

Անկախ բրենդինգի փորձագետ Տիգրան Բալոյանի խոսքով`Երեւան քաղաքում տեղադրված արտաքին գովազդները զարգանալու տեղ ունեն: Նրա բնորոշմամբ` արտաքին գովազդում այսօր շատ է պակասում կրեատիվը. «Գովազդում ավելի շատ որակական խնդիրներ եմ տեսնում, քան թե արտաքին տեսքի: Այս ամենը կշտկվի, եթե գովազդի պատվիրատուն գովազդ պատրաստողի առջեւ դնի բարձր պահանջներ»,-նշեց ՏԻԳՐԱՆ ԲԱԼՈՅԱՆԸ: Ըստ նրա` Երեւանի քաղաքապետարանը այս խնդրի հետ չունի որեւէ առնչություն, քանի որ գովազդատուն է որոշում, թե ինչպես գովազդի իր ապրանքը: Քաղաքապետարանը զբաղվում է միայն  լեզվի  եւ այլ խնդիրներով. «Իմ կարծիքով լավ էլ զբաղվում են, լեզվի տեսնակյունից կան որոշակի խնդիրներ, քանի որ կան արտահայտություններ, որոնք ավելի լավ են հնչում գովազդում, սակայն լեզվի մասին օրենքում այնքան են կարծրացել , որ այս ու այն կողմ չեն թողնում շեղվես: Տաբու է դրված, որ չի կարելի ու վերջ: Չնայած այստեղ մեծ դեր ունի նաեւ լեզվի տեսչությունը »,-ավելացրեց Տ. Բալոյանը: Նա նկատեց, որ  հեռուստաեթերից այսօր շատ է հնչում ժարգոնով գովազդներ, որոնք կան նաեւ սերիալներում, որտեղ ուղղակիորեն աղավաղվում է լեզուն, իսկ արտաքԻն գովազդում կան սահմանափակումներ: Այստեղ պրն. Բալոյանը ընդգծեց, որ լեզվի տեսչությունն իր որոշումների մեջ միակողմանի է:

Անդրադառնալով «Իրավուքի» այն հարցին, թե որքանո՞վ են ճիշտ «ֆուտբոլվենք» կամ «սնիկերսվենք» բառերը, որոնք տեղ են գտել մեր արտաքին գովազդներում,  բանախոսը շեշտեց. «Ճիշտ է այդ բառերը հայերեն չեն ,բայց կրկնում եմ, եթե  կա պահպանողականություն, թող բոլոր ոլորտներում այն լինի: Չի կարելի ֆիլմեր արտադրել`ազիզ, յանի, ապեր ջան բառեր օգտագործել, իսկ «Ֆուտբոլվենք»-ը համարեն լեզվի համար խոչընդոտ»:

Այսպիսի բնորոշումներից հետո մնում է հույս ունենալ, որ այն բառերն ու արտահայտությունները , որոնք տեղ են գտել սերիալներում` գոնե գովազդներից կբացակայեն եւ ի վերջո կունենանք մաքուր գրական հայերենով գովազդներ: Իսկ լեզվի տեսչության «միակողմանի» որոշումները կբերեն նրան, որ հայերենը չի աղավաղվի:

ԶՎԱՐԹ ԽԱՉԱՏՐՅԱՆ