ԱԴՐԲԵՋԱՆԱԳԵՏ. «ԱՄՆ ՍԵՆԱՏԻ ԱՐՑԱԽՅԱՆ ԲԱՆԱՁԵՎԸ ՄԵԶ ՀԱՄԱՐ ԲԱՐՈՅԱԿԱՆ ՆՇԱՆԱԿՈՒԹՅՈՒՆ ՈՒՆԻ»

ԱԴՐԲԵՋԱՆԱԳԵՏ. «ԱՄՆ ՍԵՆԱՏԻ ԱՐՑԱԽՅԱՆ ԲԱՆԱՁԵՎԸ ՄԵԶ ՀԱՄԱՐ

ԲԱՐՈՅԱԿԱՆ ՆՇԱՆԱԿՈՒԹՅՈՒՆ ՈՒՆԻ»

Վերջին շրջանում արցախյան հարցի շուրջ բանակցությունները շատ են ակտիվացել, ինչը ըստ ադրբեջանագետ Սարգիս Ասատրյանի` որոշակիորեն կապված է այս տարվա օգոստոսին հայ-ադրբեջանական սահմանում տեղի ունեցած միջադեպերի հետ, երբ հակառակորդ կողմը սահմանին ձեռնարկեց դիվերսիոն գործողություններ եւ հայկական կողմից ստացավ արժանի հակահարված:

Անդրադառնալով Արցախյան հարցի շուրջ տեղ իունեցած վերջին եռակողմ` Սերժ Սարգսյան-Ջոն Քերի- Ի. Ալիեւ հանդիպամանը` ադրբեջանագետը փաստեց, որ կարող է թվալ, թե այդ հանդիպումը արդյունք չտվեց, քանի որ նման հանդիպումներ տարիներ շարունակ տեղի են ունենում: Սակայն Ս. Ասատրյանը նկատեց, որ այսօր գերտերությունները ցանկանում են իրենց անմիջական վերահսկողութայն տակ վերձնել արցախյան հիմնահարցի կարգավորումը, օրինակ Ռուսաստանն է փորձում միջնորդել, իսկ վերջին  հանդիպման ընթացքում միջնորդի դերում հանդես եկավ նաեւ  ԱՄՆ-ը. «Մենք տեսնում ենք, որ Արցախի կշիռը եւ ընդհանրապես այս տարածաշրջանի կարեւորությունը գնալով ավելի է աճում: Դժվար է իհարկե ասել, թե այս խնդիրը ի վերջո ինչով կլուծվի, սակայն փաստ է, որ Արցախի կարեւորոթյունը գնալով ավելի է մեծանում: Այդ ամենը կապված է նրա հետ, որ աշխարհում տեղի են ունենում տարբեր իրադարձություններ`Սիրիայի, Իրաքի, ՈՒկրաինայի դեպքերը, որտեղ վտանգի տակ է դրվում էներգետիկ  կոմինիկացիաները,  տարածաշրջանը, որը հարուստ է բնական պաշարներով, ըստ էության գտնվում է լուրջ վտանգի տակ»,-նշեց ՍԱՐԳԻՍ ԱՍԱՏՐՅԱՆԸ:

Պատասխանելով  «Իրավունքի» այն հարցին, թե Արցախյան հիմնահարցի համար ինչ նշանակություն կունենա ԱՄՆ Կալիֆորնիա նահանգի Սենատի կողմից ընդունված AJR 32 բանաձեւը` ադրբեջանագետը ընդգծեց. «Իհարկե բոլորիս համար շատ լավ է, որ ԱՄՆ-ի  ամենամեծ նահանգը ճանաչել է Արցախը , նույնիսկ շատերի կարծիքով, այս դեպքը կարող է նախադեպ հանդիսանալ Արցախի ճանաչման համար, սակայն միջազգային իրավունքի սահմաններում այն ոչինչ չի նշանակոմ: Պետք է ասեմ, որ  բանաձեւը բարոյական տեսանյկյունից մեզ համար  մեծ հաջողություն է»,-եզրափակեց Սարգիս Ասատրյանը:

ԶՎԱՐԹ ԽԱՉԱՏՐՅԱՆ