ԲՆԱՊԱՀՊԱՆՈՒԹՅԱՆ ՆԱԽԱՐԱՐԸ ԽՈՒՍԱՓԵՑ ՊԱՏԳԱՄԱՎՈՐՆԵՐԻ ՀԵՏ
ՇՓՎԵԼՈՒՑ
Այսօր ԱԺ-ում քննարկման էր ներկայացված շրջակա միջավայրի վրա ազդեցության գնահատման եւ փորձաքննության մասին օրենքում փոփոխություններ կատարելու հարցը: Նախապես այն պետք է ներկայացներ Բնապահպանության նախարար Արամայիս Գրիգորյանը, սակայն վերջին պահին նրան փոխարինեց իր առաջին տեղակալ Պապյանը: Դա զարմանալի էր, քանի որ հարցը խիստ կարեւոր էր եւ կառավարությունը խնդրել էր Աժ-ին այն քննարկել 24 ժամվա արտակարգ ռեԺիմով: Իհարկե ծագեցին բազում հարցեր, թե ինչն էր այդպիսի շտապողականության պատճառը, ինչու ընդամենը 2,5 ամիս առաջ ընդունված օրենքում փոփոխությունների անհրաժեշտություն է ծագել, եւ վերջապես ինչ օգուտ կտա այս օրենքի փոփոխությունից բնակչությանը եւ ինչ վնաս՝ բիզնեսին: Այս հարցերի պատասխանը փոխնախարարը հստակ տալ չէր կարողանում: Հավանաբար չէր կարող նաեւ համոզիչ պատասխաններ ունենալ ինքը՝ նախարարը եւ հենց դա է պատճառը, որ որոշել էր խուսափել ԱԺ պատգամավորների հետ շփվելուց: Օրենքի փոփոխության այս նախագծի պատճառների եւ նպատակների մասին որեւէ բան հնարավոր չէ հասկանալ նաեւ բնապահպանության նախարարության կողմից ներկայացված հիմնավորումից: Որպես օրենքի ընդունման անհրաժեշտություն նշվում է, ինչ որ <Օրհուսի> կոնվենցիայի պահանջների, օրենքի համապատասխանեցումը եւ ՀՀ-ի ՀԿ-ների ներկայացրած առաջարկությունների ընդունումը: Թե հատկապես, որ ՀԿ-ների մասին է խոսքը, փոխնախարարը այդ հարցինել ճկարողացավ պատասխանել: Դրա փոխարեն մի շարք ՀԿ-ներ հայտարարեցին, որ որեւէ քննարկման չեն մասնակցել եւ արված փոփոխությունների հետ համաձայն չեն: Իսկ որպես ակնկալվող արդյունքներ նշվում է, որ բիզնեսի որոշ տեսակներ <Լիովին կհամապատասխանեն Օրհուսի կոնվեցիայով նախատեսված պահանջներին>:
Ինչպես հայտնի է այդ չարաբաստիկ <Օրհուսի> կոնվենցիան ստեղծվել է ոչ թե վերջին 2,5 ամսվա ընթացքում, այլ շատ վաղուց, իսկ թե ինչու հենց հիմա եւ այդքան հրատապ կարգով Արամայիս Գրիգորյանի մոտ անհրաժեշտություն առաջացավ մեր օրենսդրությունը համապատասխանեցնել այդ <Օրհուսին> այդպես էլ գաղտնիք մնաց: Ինչպես գաղտնքի մնաց, թե այդ համապատասխանեցնելը ինչ է տալու մեր ժողովրդին: Բայց դե ներկայիս նախարարի մտքով նման մանրուքներ չեն էլ անցնում:
1
2532 դիտում
2
2215 դիտում
3
1947 դիտում
4
1925 դիտում
5
1893 դիտում
