ՊՐՆ ՓՈՍՏԱՆՋՅԱՆ. ԱԺ ՓՈԽՆԱԽԱԳԱՀԸ «ԸՆԴԳԾԵՑ» ԶԱՐՈՒՀԻ ՓՈՍՏԱՆՋՅԱՆԻ «ՏՂԱՄԱՐԴԿՈՒԹՅՈՒՆԸ»

ՊՐՆ ՓՈՍՏԱՆՋՅԱՆ. ԱԺ ՓՈԽՆԱԽԱԳԱՀԸ  «ԸՆԴԳԾԵՑ»   ԶԱՐՈՒՀԻ ՓՈՍՏԱՆՋՅԱՆԻ  «ՏՂԱՄԱՐԴԿՈՒԹՅՈՒՆԸ»

Շրջակա միջավայրի  ազդեցության մասին օրենքում փոփոխություններ անելու օրինագիծը քննարկվել է առանց մեզ՝ այսօր Աժ-ում հայտարարեց «Ժառանգություն» խմբակցության պատգամավոր Թեւան Պողոսյանը:

ԱԺ փոխնախագահ Էդուարդ Շարմազանովը հակադարձեց. «Ասում եք, քննարկել եք, ընդունել ենք առանց ձեզ: Ընդիմությունը դահլիճ չի եկել, բարի լինեիք, գայիք, թե պետք է ձեզ տնից բերեինք, գայիք քննարկեինք»:

Մինչ  ԱԺ ամբիոնի մոտ ՀԱԿ խմբակցության պատգամավոր Լյուդմիլա Սարգսյանին հրավիրելը, Էդ. Շարմազանովը Լյուդմիլա Սարգսյանին կարծես թե շփոթեց «Ժառանգություն» խմբակցության  պատգամավոր Զարուհի Փոստանջյանի հետ ու ասաց. «Պրն Փոստանջյան…» ու   բերանը փակեց՝ ցույց տալով, որ սխալվել է:

Սակայն ընդդիմության պահվածքը այս անգամ էլ զարմացրեց: Ինչպես տեղեկացրեց ԱԺ Բնապահպանության հանձնաժողովի փոխնախագահ Տաճատ Վարդապետյանը, հանձնաժողովում, օրենքի նախագծին դրական եզրակացություն տրվել է միաձայն, սակայն երեք օր անց, ԱԺ լիագումար նիստում ՀԱԿ-ի անունից Լյուդմիլա Սարգսյանը հայտարարեց, որ դեմ է քվեարկելու ինչպես նաեւ նույն դիրքորոշումը հայտնեց <Ժառանգությունից> Թեւան Պողոսյանը: Այն դիտողությանը, թե հանձնաժողովում <Ժառանգության> ներկայացուցիչ Զարուհի Փոստանջյանը կողմ է քվեարկել, Թեւան Պողոսյանը պատասխանեց, որ նա առաջնորդվում է իր սեփական պատկերացումներով այլ ոչ թե Զ. Փոստանջյանի: Դե իսկ այն, որ <Ժառանգությունում> միշտ եղել է կատարյալ խառնաշբոթ, կամ ինչպես ժողովուրդն է ասում <շունը տիրոջը չի ճանաչում>, նորություն չէ:

Սոնա Դավթյան