ՀՈՒՇԱՐՁԱՆՆԵՐԻ ՊԱՀՊԱՆՈՒԹՅԱՆ ՀԱՐՑԸ՝ ՊԱՏԳԱՄԱՎՈՐՆԵՐԻ ՈՒՇԱԴՐՈՒԹՅԱՆ ԿԵՆՏՐՈՆՈՒՄ

ՀՈՒՇԱՐՁԱՆՆԵՐԻ ՊԱՀՊԱՆՈՒԹՅԱՆ ՀԱՐՑԸ՝ ՊԱՏԳԱՄԱՎՈՐՆԵՐԻ ՈՒՇԱԴՐՈՒԹՅԱՆ ԿԵՆՏՐՈՆՈՒՄ

Վերջին շրջանում մամուլը խոսեց  հուշարձանների պահպանության խնդրի մասին: Մեծ աղմուկ հանեցին Փակ շուկա և Աֆրիկյանների տան պահպանման  հարցը:

Այսօր ԱԺ-ում  հարցը եւս դրվեց քննարկման: ՕԵԿ խմբակցության  ղեկավար Հեղինե Բիշարյանը հարց հնչեցրեց ՀՀ մշակույթի փոխնախարար Արեւ Սամուելյանին անշարժ հուշարձանների պահպանման  մասին: Տիկին Բիշարյանի  համոզմամբ՝ ցանկացած շինարար շինաշխատանքներ անելիս որևէ շինությա հետ պետք է իմանա, որ  դա հուշարձան  և ընդգրկված հուշարձանների պահպանության ցանկում: «Իսկ մեզ մոտ հակառակն է՝ քանդվում է  հուշարձանը և նոր աղմուկ է բարձրանում: Պետք է բոլորին հայտնի լինի հուշարձանների պահպանության ցուցակը»,- մանրամասնեց  ՕԵԿ խմբակցության ղեկավարը:

Արեւ Սամուելյանը հիշեցրեց  հուշարձանների պահպանության երկու ցուցակ կա:

ՕԵԿ խմբակցության ղեկավարը կարծում է, որ  քաղաքաշինության և մշակույթի նախարարություններն  իրար հետ  պետք  է աշխատեն՝ ապօրինի շինարարություն թույլ չտալու համար:

ՕԵԿ խմբակցության պատգամավոր  Հովհաննես Մարգարյանին էլ հուզում էր հուշարձանների լվացման հարցը.« ՏԻՄ-ն ասում են, որ մշակույթի նախարարությունը գումար դուրս չի գրում  արձանների լվացման համար: Կարծում եմ՝ տարին մեկ-երկու անգամ  լվանալը քիչ է»:

Արեւ Սամուելյանը հակադարձեց.« Հուշարձանների պահպանությունն իրենց  ուշադրության կենտրոնում է»:

Հարցի մասին  բարձրաձայնեց նաեւ ՀԱԿ խմբակցության  պատգամավոր Արամ Մանուկյանը, ում խոսքով, այսօրվա Երեւանը 19-րդ դարի համեմատ  հուշարձանների  առումով աղքատ է: «Կներեք, բայց մշակույթի նախարարությունը չի կարողանում ընդդիմանալ   բոլոր էն հուշարձանների քանդմանը, որոնք կատարվել են»,- ասաց պատգամավորը:

Արամ Մանուկյանը  մշակույթի փոխնախարարից հետաքրքրվեց՝ արդյոք ճիշտ է հուշարձանների պահպանության լիազորությունները տալ Աժ-ին:«Կարծում եմ՝ կառավարության  ենթակայության տակ լինելը ճիշտ է: ԱԺ-ը  ցանկացած դեպքում կարող է իր ձայնը հնչեցնել»,- պատասխանեց Սամուելյանը:

Գիտության, կրթության, մշակույթի, երիտասարդության եւ սպորտի հարցերի մշտական հանձնաժողով նախագահ Արտակ Դավթյանն էլ պարզաբանմամբ  հանդես եկավ և դիտողություն արեց փոխնախարարուհուն. պետք է  հուշարձանների պահպանության մասին խոսելիս ասաց, որ պետք է  օգտագործել բացառիկ դեպք արտահայտությունը, ոչ թե «բացառիկ դեպքեր»:

Սոնա Դավթյան