ԲԱՐԵԳՈՐԾԱԿԱՆ ՀԱՄԵՐԳ՝ԱԶԱՏԱՄԱՐՏԻԿՆԵՐԻ ՀԱՄԱՐ. ՆԱԽԱՁԵՌՆՈՂՆԵՐԸ ԵՐԻՏԱՍԱՐԴՆԵՐՆ ԵՆ

ԲԱՐԵԳՈՐԾԱԿԱՆ ՀԱՄԵՐԳ՝ԱԶԱՏԱՄԱՐՏԻԿՆԵՐԻ ՀԱՄԱՐ. ՆԱԽԱՁԵՌՆՈՂՆԵՐԸ

ԵՐԻՏԱՍԱՐԴՆԵՐՆ ԵՆ

«Կանդենցա»  անսամբլը սեպտեմբերի 13-ին  ժամը 19:00-ին  Կոմիտասի անվան կամերային երաժշտության տանը ազատամարտիկների համար հանդես կգա բարեգործական համերգով: Մտահղացման հեղինակները  երիտասարդներ Վաղինակ Շուշանյանը և Ժաննա Մախյանն են:

«Կադենցա» մենակատարների անսամբլի հիմնադիր ՀՊՖՆ դիրիժոր Վարդան Հակոբյանն «Իրավունքի» հետ զրույցում ասաց, որ ԱՄՆ-ից Հայաստան վերադարձած Ժաննա Մախյանն տեսել է՝ինչ դժվար  ու ծանր պայմաններում են ապրում ազատամարտիկները և որոշել նրանց աջակցել: «Մեզ միացավ նաեւ «Խազեր» երգչախումբը: Համերգը պետք է լիներ  հուլիս ամսին, բայց այնպես եղավ, որ համերգը  կազմակերպվեց սեպտեմբերին»,-  մանրամասնեց անսամբլի ղեկավարը:

Համերգին կհնչեն հիմնականում հայկական երգեր՝ հիմնականում կոմիտասյան կատարումներ եւ հայկական ռոմանսներ:

Ի դեպ, առաջին անգամ չէ, որ «Կանդենցա»  անսամբլը բարեգործական համերգներով  է տալիս:

Վաղինակ Շուշանյանն էլ ասաց, որ բաեգործական համերգի ողջ հասույթն կտրամադրվի վիրավոր ազատամարտիկների ընտանիքներին: «Առաջին այցը ազատամարտիկի ընտանիքին եղավ ձեր հոդվածից հետո՝ այցելություն Վագիֆ Ավետիսյանի ընտանիքին: Արվեց հանգանակություն, գնվեց սառնարան: Հոգեբույժի   հետ  էլ ենք արդեն պայմանավորվել, ով պետք է  ազատամարտիկի հիվանդ աղջկա բուժումները սկսի»,-ասաց  երիտասարդը:

Եթե  բոլոր տոմսերը վաճառվեն և ամեն ինչ ընթանա ըստ պլանավորածի,Վաղինակը հավաստիացրեց՝ ավելի շատ ազատամարտիկների կօգնեն, իսկ եթե ոչ, ապա կաջակցեն  վիրավոր ազատամարտիկ Կարեն Մելիքբեկյանին:

Սոնա Դավթյան