ՇԱՐԱ ՏԱԼՅԱՆԻ ԹՈՌՆՈՒՀՈՒ ԱՍԱԾՆԵՐԸ ՀԱԼԱԾ ՅՈՒՂԻ ՏԵՂ ՉԵՄ ԿԱՐՈՂ ԸՆԴՈՒՆԵԼ. ՏԵՐ ԿՅՈՒՐԵՂ ՔԱՀԱՆԱ ՏԱԼՅԱՆ

ՇԱՐԱ ՏԱԼՅԱՆԻ ԹՈՌՆՈՒՀՈՒ ԱՍԱԾՆԵՐԸ ՀԱԼԱԾ ՅՈՒՂԻ ՏԵՂ ՉԵՄ ԿԱՐՈՂ ԸՆԴՈՒՆԵԼ. ՏԵՐ ԿՅՈՒՐԵՂ ՔԱՀԱՆԱ ՏԱԼՅԱՆ

Օրեր առաջ «Իրավունքն» գրել էր, որ Շարա Տալյանի թոռնուհու՝ Ռուզաննա Բաբաջանյանից խլված բնակարանի առնչությամբ  հարուցվել է քրեական գործ:

Հիշեցնենք, հեռավոր ազգականն օգտվել է անկողնային հիվանդ Շարա Տալյանի դուստր Լուսյա Տալյանի անօգնական վիճակից ու խլել նրա բնակարանը: Արդյունքում՝ 80-ամյա հիվանդ կինն իր միակ բնակարանը 2007 մարտի 2-ին նվիրել է ոչ թե մոտ 60 տարեկան իր հարազատ դստերը՝շիզոֆրենիայով տառապող Ռուզաննա Բաբաջանյանին, այլ հեռավոր ազգականին և 2008թ. փետրվարի 1-ին մահացել:

Ներկայում կինն ապրում  է մուրացիկի ու անօգնականի կարգավիճակում, երբեմն ապաստանում է «Հանս Քրիստան Կոֆոեդ» բարեգործական հիմնադրամում:

«Իրավունքը» Տալյանների տոհմից սերող Տեր Կյուրեղ քահանա Տալյանից  պարզեց՝  Ռուզաննա Բաբաջյանից նա որևէ տեղեկություն ունի՞ և Տալյաններն ընդհանրապես սույն գործի առնչությամբ  ինչ-որ կերպ աջակցում են  հիվանդ կնոջը, թե՞ ոչ: «Մի քանի ամիս առաջ՝մի երկու անգամ, եկել է ինձ մոտ, տեսել եմ իրեն,բայց թե իր պատմածները որքանով են  հավաստի, չգիտեմ. հոգեկան նման վիճակում գտնվող մեկի ասածները հալած յուղի պես չեմ կարող ընդունել»,- ասաց Տեր Կյուրեղը:

Ռուզաննա Բաբաջանյանը քահանայից խնդրել է  իրեն բնակարան ու 10.000 դոլար տալ. «Էդ կինն էն վիճակում չէ, որ ինչ-որ բան ասես նրան, նա միայն մի բան գիտի՝ փող, փող, բնակարան»:

Քահանան ուշագրավ մի հայտարարություն արեց.Ռուզաննա Բաբաջանյանն ունեցել է մի քանի բնակարան և վաճառել:

Ինչ վերաբերում է խլված բնակարանի առնչությամբ հարուցված դատական գործին, Տեր Կյուղերը  դժվարացավ ասել՝ արդյոք դատական գործընթացը կավարտվի հօգուտ Ռ. Բաբաջանյանի, թե ոչ:

Սոնա Դավթյան