Ս. Աղաջանյան. «ՍԱ ԱՄԵՐԻԿՅԱՆ ԵՎ ԵՎՐՈՊԱԿԱՆ ՖԻՆԱՆՍԱՎՈՐՄԱՄԲ ԻՐԱԿԱՆԱՑՎՈՂ ԼՈԲԲԻՆԳ է»

«ՍԱ ԱՄԵՐԻԿՅԱՆ ԵՎ ԵՎՐՈՊԱԿԱՆ ՖԻՆԱՆՍԱՎՈՐՄԱՄԲ ԻՐԱԿԱՆԱՑՎՈՂ ԼՈԲԲԻՆԳ Է` ՈՒՂՂՎԱԾ ԱՎԱՆԴԱԿԱՆ ԱՐԺԵՀԱՄԱԿԱՐԳԸ ԿՐՈՂՆԵՐԻ ԴԵՄ»

Սեպտեմբերի 5-ին Երեւանի Կենտրոն եւ Նորք-Մարաշ ընդհանուր իրավասության դատարանում տեղի ունեցավ դատական նիստ «Համասեռամոլության լոբբիստներն ընդդեմ «Իրավունք» թերթի» գործով: Դատավարությանը զուգահեռ հենց դատարանի առջեւ մի շարք  քաղաքական գործիչներ, հասարակական կազմակերպությունների ներկայացուցիչներ եւ  պարզապես ազգային արժեքների պահպանման համար մտահոգ քաղաքացիներ եկել էին ոչ ասելու համասեռամոլության լոբբիստներին: Ի պաշտապանություն ավանդական  ընտանիքի արժեահամակարգի պաշտպանության և ընդդեմ այլասերվածության քարոզի նվիրված ակցիային մասնակցում էին «Համահայկական ծնողական կոմիտե» ՀԿ-ի նախագահ ԱՐՄԱՆ ԲՈՇՅԱՆԸ, «Մխիթարիչ» բարեգործական ընկերության հիմնադիր, հասարակական գործիչ ԽԱՉԻԿ ՍՏԱՄԲՈԼՑՅԱՆԸ, «Ազգային արժեքների պահպանման ճակատ» ՀԿ-ի համակարգող ՍԵՎԱՆ ԱՂԱՋԱՆՅԱՆԸ, «Հայոց թանգարան» հուշարձանների պահպանության նախաձեռնության կազմակերպիչ ԱՂՎԱՆ ԱՍՈՅԱՆԸ եւ այլք:

«Իրավունքի» հետ զրույցում «Ազգային արժեքների պահպանման ճակատ» ՀԿ-ի համակարգող ՍԵՎԱՆ ԱՂԱՋԱՆՅԱՆԸ նշեց. «Մեր արժեհամակարգը խարխլում են նման երեւույթները ու դրա համար եկել ենք այստեղ, որպեսզի սատարենք «Իրավունք» թերթին: Սա ամերիկյան եւ եվրոպական ֆինանսավորմամբ իրականացվող լոբբինգ է, որն ուղղված է ավանդական արժեհամակարգը կրողների դեմ:  Դրա համար էլ եկել ենք մեր արժեհամակարգը պաշտպանելու ու աջակցելու «Իրավունք» թերթին» (առավել մանրամասն դիտեք տեսանյութում):

Հիշեցնենք, որ մայիսի 16-ին «Ազատություն» ռ/կ հեռուստաեթերում կայացած «Ինգա եւ Անուշ Արշակյաններ ֆեյսբուքյան ասուլիսի» էջում Արշակյան քույրերը նախօրեին ենթարկվել էին դաժան եւ սանձարձակ հալածանքների այն բանի համար, որ հրապարակավ արտահայտել են իրենց բնական զզվանքը Կոնչիտայի նկատմամբ: Իսկ հալածանքն իրագործել են համասեռամոլության շահերի լոբբիստները: Նպատակ ունենալով հակահարված հասցնելու այդ գարշելի գործընթացին` «Իրավունք» թերթի կայքեջում գլխավոր խմբագիր Հովհաննես Գալաջյանը հրապարակել է հալածանքին մասնակցած շուրջ 60 «Կոնչիտայի վկաների» ֆեյսբուքյան էջերի հիպերհղումները` http://iravunk.com/index.php?option=com_content&view=article&id=16435%3A2014-05-17-16-18-23&catid=41%3Alurer&Itemid=57

Համասեռամոլության լոբբիստները պատասխանել են դատական հայցերի շարանով` 16 հոգի մեկ հայցով են դիմել դատարան, 1 հոգի`առանձին հայցով, 3 հոգի` եւս մեկ հայցով, մի հայց էլ ներկայացրել է «Նոր սերունդ» հ/կ-ն:

Նշենք, որ վերոնշյալ դատավարությունը մտնում է դատաքննության փուլ:  Իսկ դատական հաջորդ նիստը տեղի կունենա հոկտեմբերի 20-ին, ժամը՝12:20-ին, Երեւանի Կենտրոն եւ Նորք-Մարաշ ընդհանուր իրավասության դատարանում:

Նյութը եւ տեսանյութը` ՀՐԱՆՏ ՍԱՐԱՖՅԱՆԻ