ԲԱՆՏԱՃԱՂԵՐԸ ՍԻՐԱՇԱՏ ՙՕԴՆՈԿԼԱՍՍՆԻԿՆԵՐԻ՚ ՀԱՄԱՐ ԱՐԳԵԼՔ ՉԵՆ

ԲԱՆՏԱՃԱՂԵՐԸ ՍԻՐԱՇԱՏ
ՙՕԴՆՈԿԼԱՍՍՆԻԿՆԵՐԻ՚ ՀԱՄԱՐ ԱՐԳԵԼՔ ՉԵՆ

Դատավճռից. ՙԻրեղեն ապացույց ճանաչվածª ՀՀ ԱՆ ՙԿոշ՚ ՔԿՀ-ում խուզարկությամբ Նարեկ Պեպանյանի եւ Մ. Սանթոյանի քնելատեղերից եւ անձնական իրերից հայտնաբերված եւ առգրավված ՙNokia՚ մոդելի 3 բջջային հեռախոսները պահել քրեական գործի հետ միասին՚:
Եվ այսպես. հեռախոսները ՙԿոշ՚-ից դուրս եկան, իսկ 28-ամյա Նարեկը...

ՙՀԱՐՈՒՍՏ՚ ԿԵՆՍԱԳՐՈՒԹՅՈՒՆ ԵՎ ՀԱՐՍՏԱՆԱԼՈՒ ՄՈԼՈՒՑՔ

Նարեկ Արայիկի Պեպանյանը ծնվել է 1986թ. հունվարին: 2004-ին առաջին անգամ հայտնվել էր մեղադրյալի նստարանին. անչափահաս Նարեկը կատարել էր ավազակություն եւ դատապարտվել ազատազրկման` 5 տարի ժամկետով: Պատիժն ամբողջությամբ չէր կրել. 2005-ի դեկտեմբերին պատժից ազատվել էր պայմանական վաղաժամկետª ունենալով պատժի չկրած շուրջ 3 տարի ժամկետ: Ազատության մեջ էլ երկար չէր գտնվել: Ազատության մեջ մեկ ամիս էլ չմնալովª կատարել էր բռնաբարության փորձ եւ 2007-ի փետրվարին դատապարտվել  ազատազրկման` 5 տարի ժամկետով: Այս անգամ Նարեկն իր պատիժը կրել էր ամբողջությամբ եւ ազատվել էր 2011թ. հունվարին եւ... ուղիղ 1 ամիս անց դանակահարություն էր կատարել: Տուժողը, բարեբախտաբար, չէր մահացել, եւ Նարեկը ՙթարմացրել՚ էր իր գրանցումը  բանտում եւս 4,5 տարով: Նրան երկու ամիս էր մնում դուրս գալ բանտից, սակայն...
Կալանքի տակ գտնվելու ժամանակ Նարեկը, ըստ մեղադրանքի. որոշել էր ուսանել հանցագործության եւս մեկ ձեւª շորթում, այս անգամ օգտագործելով կապի առաջատար տեխնոլոգիաները: Նա նպատակ էր դրել ինտերնետի միջոցով ազատ աշխարհ վերադառնալ 3000 ԱՄՆ դոլար ՙաշխատած՚ գումարով...

ԴԱՏԱԽԱԶՆ ՈՒ ԴԱՏԱՐԱՆԸ ԱՊԱՑՈՒՑՎԱԾ ԵՆ ՀԱՄԱՐԵԼ...

ՙԿոշ՚ ՔԿՀ-ում պատիժ կրող Նարեկը տարբեր հեռախոսահամարներով ինտիմ բնույթի հեռախոսազրույցներ էր ունեցել տուժող Նունեի հետ եւ ՙOdnoklassniki.ru՚ սոցիալական կայքում ստեղծել էր ՙNUNE JAN՚ պայմանական անվամբ անձնական էջ: Այդ էջում Նարեկը տեղադրել էր Նունեի բջջային հեռախոսահամարը, լուսանկարները, պոռնկագրական բնույթի  լուսանկարներ, վիրավորական մեկնաբանություններ: Համարելով, որ ՙսեքսապիլ՚ կինը հասունացել է, Նարեկը վիրտուալ սեքսից անցել էր իրական ֆինանսական փոխհարաբերությունների: Սպառնալով, որ ջանք չի խնայի, որպեսզի Նունեի ՙգայթակղիչ՚ լուսանկարներին ու զրույցներին ծանոթանան շատերըª իրեն զուսպ պահելու համար Կարենը պահանջել էր 3000 դոլար: Նունեն դիմել էր իրավապահ մարմիններին եւ վերջիններիս միջոցով պարզվել էր, որ Նունեի վիրտուալ ընկերը հանդիսանում է ՙԿոշ՚ քրեակատարողական հիմնարկի կալանավոր Նարեկ Պեպանյանը: Այդպես էլ հարուցվել էր քրեական գործ` շորթման մեղադրանքով, իսկ բանտախցում հայտնաբերված 3 հեռախոսները հայտնվել էին այդ գործում` որպես իրեղեն ապացույցներ...

ԱՊԱՑՈՒՅՑ, ՈՐԸ ԱՊԱՑՈՒՅՑ ՉԷ

Գործը քննել էր Արագածոտնի մարզի ընդհանուր իրավասության դատարանում: ՙԻրար էին հագել՚ փորձառու դատավոր, դատարանի նախագահ Ս. Մնոյանը եւ փորձառու փաստաբան, նախկինումª դատավոր, իսկ ներկայումս հանրային պաշտպան Ա. Սաղաթելյանը: Նկատի ունենալով մեղադրյալի անձըª պաշտպանի խնդիրը կարելի էր համարել անլուծելի, սակայն...
Նարեկը պնդել էր, որ ինքը Նունեից պահանջել էր ոչ թե 3000, այլ 1000 դոլար: Պաշտպանը դատարանից պահանջել էր, որպեսզի դատարանում հետազոտվի, այսինքնª լսվի այն ձայնագրությունները, որոնք գաղտնալսման միջոցով ձեռք էր բերել քննչական մարմինը, եւ որոնցով կարող էր ապացուցվել, որ խոսք կարող է լինել միայն 400.000 հազար դրամի մասին: Դատարանը, սակայն, բուն ձայնագրությունները դատաքննությամբ չէր հետազոտել: Այլ խոսքով. ապացույցը` որպես ապացույց, դատարանի հետաքրքրությանը չէր արժանացել: Այդ հարցը, հավանաբար, կդառնա վերադաս դատարանի քննության հիմնաքարը, քանի որ դրանից է կախված Նարեկի պատժաչափը:

ԼՐԱԳՐՈՂԱԿԱՆ ԵԶՐԱՓԱԿԻՉ ՀԱՐՑ

Մեղադրյալ Նարեկ Պեպանյանը, անշուշտ, օրինակելի անձնավորություն չէ: Միաժամանակ, անհասկանալի է մնում, թե ինչպես, եւ ամենակարեւորըª ինչու էին կալանքի տակ գտվող Նարեկի մոտ հայտնվել ամուսնացած Նունեի պոռնոլուսանկարները: Այս հարցը, հավանաբար, շատ ավելի լուրջ քննության առարկա կդառնա Վերաքննիչ դատարանում, որի որոշումից հետո, հավանաբար, այս թեմային կրկին մենք կանդրադառնանք եւ, հավանաբար, պաշտպանի մեկնաբանություններով...

Ա. ԱԲԳԱՐՅԱՆ