ՊԱՐՈՒՅՐ ՀԱՅՐԻԿՅԱՆ մի ասա, մի կրակ ու պատիժ ասա:

ՊԱՐՈՒՅՐ ՀԱՅՐԻԿՅԱՆ մի ասա, մի կրակ ու պատիժ ասա: Ահա թե ինչ է նա հայտարարել սեպտեմբերի 3-ի ցույցի ժամանակ. ՙԻ դեմս Ռուսաստանի` այսօր աշխարհը ունի համար մեկ փորձանք եւ գլխացավ: Ռուսաստանը այսօր ձեռնոց է նետել իրենից մի քանի տասնյակ անգամ ավելի հզոր պետություններ առողջ, քաղաքակիրթ համագործակցությանը: Այս պայմաններում Ռուսաստանից կառչած մնալը նշանակում է Ռուսաստանի բոլոր հակառակորդներին այս տարածաշրջանում որպես հակառակորդ ընկալել հայերիս՚: Դե ինչ ասես սրան: Եթե Ռուսաստանն իրոք ձեռնոց է նետել իրենից 40 անգամ զորավորին, ապա պետք է վարվել Հայրիկյանի ասածի ճիշտ հակառակ ձեւով` էլ ավելի ամրապնդել այդքան համարձակություն եւ խիզախություն ունեցող տերության հետ մեր հարաբերությունները: Իսկ եթե Հայրիկյանը չափազանցնում է, ապա նրան պետք է հենց սիրած Եվրոպայի ու Ամերիկայի առնչությամբ հիշեցնել Աստվածաշնչյան հայտնի խոսքը. ՙԿուռք մի° արարիր՚:
Իսկ հին ՀՀՇ-ական, թունդ ռուսատյաց ԵՐՋԱՆԻԿ ԱԲԳԱՐՅԱՆՆ էլ, այդ ատելությունից այնքան է մթագնել սեփական ուղեղը, որ ընկել է քաղաքական ֆանտաստիկայի հետեւից. ՙԵթե ռուսները երբեւէ տեսնեն, որ Հայաստանում այնպիսի քաղաքական ուժ է իշխանության լուրջ հավակնորդ դառնում, որը ղեկավարվելու է Հայաստանի պետական եւ ազգային շահերով, ապա վստահ եմ, որ նրանք ամեն ինչ կանեն դա ձախողելու համար, ընդհուպ Քոչարյանին կամ նրա կարգի մեկին մեյդան գցելով՚: Մեյդանը չգիտենք ինչպես, բայց Երջանիկ Աբգարյանի երազած Մայդանը հաստատ ստացվող չէ: Ինչեւէ, զարմանալով հանդերձ, մնում է խորհուրդ տալ Երջանիկ Աբգարյանին` դիմել Քոչարյանի հիշատակած ՙուրիշ մասնագետի՚:
100 տարի առաջ` 1914 թ. ի այս օրը` սեպտեմբերի 5-ին, Առաջին համաշխարհային պատերազմի ժամանակ Ֆրանսիայի Մառնա գետի մոտ տեղ է ունեցել պատմության ամենամեծ ճակատամարտերից մեկը, որին երկու կողմերից մասնակցել են մոտ 2 միլիոն զինվոր, այն տեւել է 7 օր եւ ավարտվեց անգլո-ֆրանսիական ուժերի գերմանացիների նկատմամբ տարած հաղթանակով: Դե ինչ, հուսանք, որ դա ընդամենը պատմություն է մնալու, եւ աշխարհն այլեւս այդպիսի ճակատամարտեր չի տեսնելու: Չնայած, երեւի զարմանալիորեն լավատես ենք, որ այդպիսի հույս ունենք` չէ± որ լուրջ մասնագետներն ասում են, որ ԱՌԱՋԻՆ ԱՇԽԱՐՀԱՄԱՐՏԸ 1914-ի սկսվելով` մինչ օրս չի դադարել, այլ պարզապես ունի թեժ եւ թաքնված փուլեր:
Իսկ ԵԳԻՊՏՈՍԻ նոր իշխանությունները զարմանալի ողջախոհություն են դրսեւորում: Եգիպտոսի կրոնական հարցերով պետական խորհուրդը արգելել է տեղական հեռուստաալիքներից մեկով պորտապարի մրցույթի ցուցադրությունը: Այս քայլը պատճառաբանվել է մարդկանց բարոյականության պղծմամբ:  Խորհրդի հայտարարության մեջ նաեւ ասվում է, որ հաղորդումը ծառայում է ծայրահեղականների նպատակներին, ովքեր, հնարավոր է, օգտագործեն այս հաղորդումը` որպես Եգիպտոսը հակաիսլամիստական պետություն ներկայացնելու պատրվակ: Դե ինչ, մնում է միայն ողջունել Եգիպտոսին եւ ասել` տարոսը մեզ: Մեր երկրում էլ չէր խանգարի իսպառ արգելել տարբեր հեռուստատականքություններ:

Զարմացած է  
ՀՈՎՀԱՆՆԵՍ ԳԱԼԱՋՅԱՆԸ