ՓԱՍՏԱԲԱՆ՝ ԳՈՐԻՍՈՒՄ ՏԵՂԻ ՈՒՆԵՑԱԾ ԱՐՅՈՒՆԱԼԻ ԴԵՊՔԵՐԻ ՀԵՏ ԿԱՊՎԱծ ՆՈՐ ՓԱՍՏԵՐ ԵՆ Ի ՀԱՅՏ ԵԿԵԼ

ՓԱՍՏԱԲԱՆ՝ ԳՈՐԻՍՈՒՄ ՏԵՂԻ ՈՒՆԵՑԱԾ ԱՐՅՈՒՆԱԼԻ ԴԵՊՔԵՐԻ ՀԵՏ ԿԱՊՎԱծ ՆՈՐ ՓԱՍՏԵՐ ԵՆ Ի ՀԱՅՏ ԵԿԵԼ

Այսօր լրագրողների հետ հանդիպմանը Բուդաղյանների փաստաբան Հայկ Ալումյանը ներկայացրեց դատավարության ընթացքում ի հայտ եկած նոր մանրամասներ՝ Սյունիքի նախկին մարզպետ Սուրիկ Խաչատրյանի տան մոտ տեղի ունեցած արյունալի իրադարձությունների վերաբերյալ:

Փաստաբանը ներկայացնելով գործի մանրամասները մասնավորապես ասաց.

- Վերջին անգամ, երբ ես հատուկ ներկայացել էի լրագրողներին, բողոքում էի, որ դատարան չեն ներկայացվում գործի նյութերը, ինչը մեզ թույլ չի տալիս գործի մասին լիարժեք տեղեկատվություն ունենալ: Կարծում էի, որ գործում կա այնպիսի տեղեկատվություն, որը Սուրիկ Խաչատրյանի և նրա հարազատների համար ցանկալի չի, որ հայտնի դառնա հանրությանը: Եվ ահա Արտակ Բուդաղյանի նկատմամբ դատաքննություն սկսելուց առաջ ստացել է գործի բոլոր նյութերը եւ տեսա, որ  իրոք, քրեական գործում կան այնպիսի նյութեր, որոնք իրոք հաստատում են` Սուրիկ Խաչատրյանի, նրա որդու և Զարզանդ Նիկողոսյանի մեղավորությունը;

Ալումյանը նշեց, որ Սուրիկ Խաչատրյանի հարազատներն անգամ չեն իմացել, որ տանը տեղադրված է եղել ձայնագրիչ սարք, որի մեջ եղած ձայնագրությունները բավականին լույս են սփռում գործի մանրամասների վրա:

ԻԼՈՆԱ ԱԶԱՐՅԱՆ