ՀԱԿՈԲ ԻՆՋԻՂՈՒԼՅԱՆԻ ՎԵՐԱԴԱՐՁԻՆ ՈՍԿԵՎԱԶՑԻՆԵՐԻՑ ՇԱՏԵՐՆ ԵՆ ՍՊԱՍՈՒՄ

ՀԱԿՈԲ ԻՆՋԻՂՈՒԼՅԱՆԻ ՎԵՐԱԴԱՐՁԻՆ ՈՍԿԵՎԱԶՑԻՆԵՐԻՑ ՇԱՏԵՐՆ ԵՆ ՍՊԱՍՈՒՄ

Հակոբ Ինջիղուլյանը երրորդ երկիր տեղափոխվելու ճանապարհին է՝ «Իրավունքի» հետ զրույցում ասաց Հակոբ Ինջիղուլյանի եղբայրը՝ Հարություն Ինջիղուլյանը:

Հիշեցնենք, որ  զինծառայող Հակոբ Ինջիղուլյանն Ադրբեջանում էր  հայտնվել 2013 թվականի օգոստոսի 7-ի լույս 8-ի գիշերը տեղանքում չկողմնորոշվելու պատճառով: Այս տարի օգոստոսի 26-ին Բաքվից  նրան  ազատ էին արձակել: Իսկ մի քանի անց պարզ դարձավ, որ Հակոբը Ժնեւում է՝ փախստականների ճամբարում:

Հարությունի խոսքով՝   Հակոբն իրեն լավ է զգում,  ամեն ինչ լավ է ընթանում, բայց իր անվտանգությունից ելնելով՝դեռ չի ասում՝ կոնկրետ իրեն որտեղ են տեղափոխելու:

Ինչ վերաբերում է Հայաստան վերադառնալուն, Հակոբը միշտ է ունեցել այդ ցանկությունը, բայց դեռ դրա մասին շուտ է խոսել:

Հակոբ Ինջիղուլյանի համագյուղացիները՝ ոսկեվազցիները ևս ուրախ են, որ Հակոբը վերջապես ազատության մեջ է, ավելին՝ ոսկեվազցիներից շատերն են սպասում Հակոբի  վերադարձին հայրենի գյուղ: Ոսկեվազ համայնքի ղեկավար Հայկ Հովհաննիսյանը մեզ հետ զրույցում ասաց, որ ինքն այցելել է  Ինջիղուլյանի ընտանիքի անդամներին, խոսել  նրանց հետ: «Նրանք ուրախ են, որ իրենց որդին ազատության մեջ է ու  այլևս Ադրբեջանում չէ»,- եզրափակեց Հայկ Հովհաննիսյանը:

Սոնա Դավթյան