ՀՈԳԵԲԱՆ.«ԵԹԵ ՄԱՐԴԻԿ ՀԱՆԳՍՏԻՑ ՀԵՏՈ ՑԱՆԿԱՆՈՒՄ ԵՆ ԱՇԽԱՏԵԼ, ԱՊԱ ՆՐԱՆՔ ԼԻԱՐԺԵՔ ՀԱՆԳՍՏԱՑԵԼ ԵՆ»

ՀՈԳԵԲԱՆ.«ԵԹԵ ՄԱՐԴԻԿ ՀԱՆԳՍՏԻՑ ՀԵՏՈ ՑԱՆԿԱՆՈՒՄ ԵՆ ԱՇԽԱՏԵԼ, ԱՊԱ ՆՐԱՆՔ ԼԻԱՐԺԵՔ ՀԱՆԳՍՏԱՑԵԼ ԵՆ»

Հանգստից հետո կրկին աշխատանքի վերադառնալու եւ հետհանգստյան բարդությունները հաղթահարելու համար,  հոգեբան Սամվել Խուդոյանը խորհուրդ է տալիս` արձակուրդից վերադառնալ 2-3 օր շուտ եւ նախապատրաստվել աշխատանքի: «Սովորաբար  հանգստից վերադառնալուց հետո մարդկանց  մոտ առաջանում են խնդիրներ` տեղին հարմարվելու հետ կապված: Նկատվել է, որ մարդկանց 10-15 մոտ` արձակուրդից վերադառնալուց հետո յուրահատուկ թեթեւ տխրություն, թուլություն եւ անտարբերություն է նկատվում: Այսպիսի դեպքերն  առաջանում են այն ժամանակ, երբ մարդը լավ չի հանգստանում: Նկատվող այս անհարմարավետությունը  տեւում է ամենաշատը մեկ շաբաթ, որից հետո անցնում է»,-նշեց ՍԱՄՎԵԼ ԽՈՒԴՈՅԱՆԸ: Հոգեբանը փաստեց, որ իր աշխատանքային գործունեության ընթացքում դեռեւս իրեն չեն դիմել հանգստից հետո աշխատանքին վերադառնալու դժվարությունների հետ կապված խնդիրներով.«Մարդկանց 99 տոկոսը այդ խնդիրները հեշտությամբ հաղթահարում է: Եթե մարդիկ հանգստից հետո ցանկանում են աշխատել` նշանակում է նրանք  լիարժեք վայելել են  իրենց հանգիստը»,-ավելացրեց Ս. Խուդոյանը:

Սոցիոլոգ Ահարոն Ադիբեկյանն էլ  ընդգծեց, որ մարդուն հանգիստն  անհրաշետ է, քանի որ նա ֆիզիկապես չի կարող անընդհատ լինել լարվածության մեջ: Ըստ նրա,  եթե մարդն աշխատում է 14 ժամ, ապա նրա աշխատանքը ավելի քիչ արդյունք է տալիս: «Հագիստը դարձել է մեր կենցաղի, մշակույթի եւ արդյունաբերության լուրջ գործոնն, այն մարդը ով չի հանգստանում, նա վատ է աշխատում եւ չի զարգանում: Եթե մարդը մեկ շաբաթով մեկնում է հանգստի, ապա վերադառնալուց նա թարմ աչքով է նայում իր աշխատանքին  եւ տեսնում է բոլոր բացերը»,-շեշտեց  է ԱՀԱՐՈՆ ԱԴԻԲԵԿՅԱՆԸ:

ԶՎԱՐԹ ԽԱՉԱՏՐՅԱՆ