ՔՈՉԱՐՅԱՆԸ ՑԱՆԿԱՆՈՒՄ Է ԻՄԱՆԱԼ՝ ՀԱՆՐՈՒԹՅՈՒՆԸ ՀԻՇՈ՞ՒՄ Է ՀՈԿՏԵՄԲԵՐԻ 27-Ը, ԱՊՐԻԼԻ 13-Ը, ՄԱՐՏԻ ՄԵԿԸ… ՊԵՏՐՈ

ՔՈՉԱՐՅԱՆԸ ՑԱՆԿԱՆՈՒՄ Է ԻՄԱՆԱԼ՝ ՀԱՆՐՈՒԹՅՈՒՆԸ ՀԻՇՈ՞ՒՄ Է ՀՈԿՏԵՄԲԵՐԻ 27-Ը,

ԱՊՐԻԼԻ 13-Ը, ՄԱՐՏԻ ՄԵԿԸ… ՊԵՏՐՈՍ ՄԱԿԵՅԱՆ

ՀՀ երկրորդ նախագահ Ռոբերտ Քոչարյանի հերթական հարցազրույցը դարձել է հասարակական-քաղաքական քննարկման թեմա: Նախկին նախագահն իր  տարեդարձից առաջ առիթը  բաց չի թողել հերթական անգամ գովերգելու իրեն, ՀՀ քաղաքացիներին պարտադրաբար  հիշեցնելու՝ իր օրոք կարծես թե людям неплохо кормили:  «Ժողովրդավարական հայրենիք» կուսակցության նախագահ  Պետրոս Մակեյանը «Իրավունքի» հետ զրույցում նախ  կես կատակ կես լուրջ  ասաց, որ Քոչարյանը   պարտադրում է բոլորին շաբաթ օրն էլ աշխատեն, ապա  հավելեց՝   նախկին նախագահը մարդկանց հիշողությունն է ցանկանում  ստուգել իր անելիքները ներկայացնելուց առաջ: «Նա ցանկանում է իմանալ՝ արդյոք  հանրությունը հիշում է հոկտեմբերի 27-ը, ապրիլի 13-ը, մարտի մեկը, երկու-երեք տասնյակ քաղաքական գործիչների սպանությունը»,-ասաց քաղաքական գործիչը:

Երկրորդ նախագահի հարցազրույցում   մատնանշված տնտեսական ցուցանիշների մեծ մասը,  ըստ Մակեյանի,  նկարած թվեր են. «Քոչարյանը խոսում է մենաշնորհներից, բայց այդ ամենի հեղինակը  ինքն է: Իր սարքած օլիգարխները ստեղծել են կուսակցություն, փողերով քվե են հավաքում, տնտեսությունից է խոսում, բայց տնտեսություն ասվածը քաղաքականությունից զատված չէ: Քոչարյանի ասածների տասը տոկոսն իրականությանը  չի համապատասխանում»:

-Պրն Մակեյան, Քոչարյանը հարցազրույցով հանդես եկավ  սեպտեմբերի նախօրեին, երբ ակտիվորեն «Քառյակը» ինչ-որ գործողությունների է պատրաստվում՝խոստանալով թեժ աշուն: Փաստորեն, «Քառյակի» ու Քոչարյանի գործոցությունների համատեղում կարելի է արձանագրել:

-Ցանկություն  դեպքում կարելի է նման համատեղում արձանագրել, ցանկության դեպքում նաև ոչ: Բայց որ Քառյակի շարժիչ ուժը ԲՀԿ-ն է՝ Քոչարյանի կերտած կուսակցությունը, ու ՀՅԴ-ը, դա բոլորին հայտնի է: ԲՀԿ-ն սպասարկում է Քոչարյանին, նա էլ աջակցում է  ԲՀԿ-ին: Քոչարյանը վախենում է իշխանություն ու ազդեցության լծակներ կորցնելուց:

-Ինչն է այսօր խոչընդոտում նախկին  նախագահին վերադառնալ քաղաքական  ակտիվ կյանք, ում է սպասում Ռ.Քոչարյանը:

-Նման հարցազրույցներ տալով  նախկին նախագահն ուզում է ստուգել հասարակության արձագանքը: Եթե զգաց, որ հասարակությունը  կարող  է մարսել իր իշխանավարման տարիներին իմ թվարկածը… իր հրամանով սպանվեց Պողոս Պողոսյանը: Այս բոլորը, եթե հասարակությունը  մոռանա, ինքը կվերադառնա քաղաքական դաշտ:

-Թեև «Քառյակը» խոստացել է թեժ աշուն, բայց  ակնհայտ են նրա ներսում գոյություն ունեցող տարաձայնությունները հատկապես սահմանադրական բարեփոխումների շուրջ: Արդյոք դրանք կհանգեցնեն քառյակի տրոհմանը:

-«Քառյակը» սարքել են իշխանությունները, որոնք երբ ցանկանան, կքանդեն այն:

Սոնա Դավթյան