«Էլ կլասիկո». Հետադարձ հայացք, թվեր, վիճակագրություն, կարծիքներ

Այսօր՝ ապրիլի 2-ին, աշխարհի տարբեր ծայրերում գտնվող ֆուտբոլասերների հայացքները կուղղվեն դեպի «Նոու Կամպ» մարզադաշտ, որտեղ ֆուտբոլի Իսպանիայի առաջնության 31-րդ տուրի շրջանակներում տեղի է ունենալու «Բարսելոնա» - «Ռեալ» հանդիպումը: «Էլ կլասիկոն» արդեն վաղուց վերածվել է ֆուտբոլի միջազգային տոնի, երբ բոլորովին կապ չունի իսպանական ֆուտբոլի երկրպագու լինել կամ չլինելը, և բոլորովին էլ պարտադիր չէ «կրել»  երկու թիմերից որեւէ մեկի մարզաշապիկը, գեղեցիկ ֆուտբոլի սիրահար լինելը լիովին բավարար է այս դիմակայությանը սպասելու եւ հետեւելու համար, քազնի այստեղ դինամիկ ու կրքոտ ֆուտբոլի ակնկալիքները տեղին են եւ արդարացված:

Ի՞նչ են ասում «Բարսելոնայի» եւ «Ռեալի»  գլխավոր մարզիչները.

Լուիս Էնրիկե

«Ցանկանում եմ, որ «Կամպ Նոուն» մեզ խելահեղ աջակցություն ցույց տա: Ոչինչ մեր երկրպագուներին ավելի շատ չի ուրախացնում, քան «Ռեալի» նկատմամբ հաղթանակը: Սակայն հակառակը նույնպես ճիշտ է: Մեսսին այլ գալակտիկայից է: Տեսել եմ Լեոյի ու այլ ֆուտբոլիստների դեմքերը՝ նրանք բոլորը հաղթանակի մասին են մտածում: Մեր հաղթանակը ստուգողական հարված կլինի «Ռեալի» համար, եւ այդ ժամանակ «Ատլետիկոն» կմնա մեր միակ մրցակիցը»:

Զինեդին Զիդան

«Այս խաղը «Ռեալի» համար ստուգողական չի լինելու: Սա ֆուտբոլային հանդիպում է եւ մենք հիմա լավ մարզավիճակում ենք: Սա առաջնության հերթական հանդիպում է, բայց առանձնանում մյուսներից, քանի որ այս խաղին հետևելու են բոլորը եւ ես ցանկանում եմ, որ իմ թիմը խաղա այնպես, ինչպես վերջին շաբաթներին: Հայտացուցակից դուրս են մնացել մեր թիմի մի քանի ֆուտբոլիստներ, բայց ոչինչ չենք կարող փոխել: Մենք, ինչպես միշտ, ամեն ինչ կանենք հաղթելու համար: Ես չեմ կարգադրել ֆուտբոլիստներին վրեժ լուծել նախորդ խաղի համար: Նրանք լավ գիտեն, թե ինչ է կատարվել նախորդ հանդիպման ժամանակ, բայց հիմա մեր մտքում միայն առաջիկա խաղն է: Մեզ պետք է հաղթանակ եւ մենք ցանկանում ենք հաղթել: Իմ վերջին «Կլասիկոն» եղել է 10 տարի առա՞ջ: Ես քնի հետ խնդիրներ չունեմ: Ես հանգիստ եմ և այսօր կքնեմ այնպես, ինչպ որ միշտ եմ քնում: Առջևում ինձ կարևոր խաղ է սպասվում և մտադիր եմ հաճույք ստանալ դրանից»:

Բույքմեքերական կանխատեսումներ

William Hill բուքմեյքերական գրասենյակը ֆավորիտ է համարում կատալոնացիներին, որոնց հաղթանակը գնահատում է 1.62 գործակցով: Արքայական ակումբի հաղթանակն ունի 5 գործակից, իսկ ոչ ոքին՝ 4.4:

Vivaro-ն «Բարսելոնայի» հաղթանակը գնահատում է 1.55  գործակցով, «Ռեալի» հաղթանակը՝ 4.98,  ոչ ոքին՝ 4.82         

Հետադարձ հայացք.

«Ռեալի» ու «Բարսելոնայի» միջեւ Լա Լիգայում տեղի է ունեցել 171 հանդիպում, որից  71-ում հաղթել է «Ռեալը», 68 ում` «Բարսելոնան», իսկ 32 խաղում արձանագրվել է ոչ ոքի արդյունք:

Մադրիդցիները խփել են 278 գնդակ, բաց թողել՝ 272-ը: Գոլերի տարբերությունը՝ +6: Երկու թիմերի միջեւ կայացած ամենագոլառատ հանդիպումններն ավարտվել են 8-2 եւ 5-5 հաշիվներով: «Ռեալը» վաստակել է 245 միավոր, «Բարսելոնան»` 236:

Տվյալները՝wildstat.ru կայքի

ՎԻՃԱԿԱԳՐՈՒԹՅՈՒՆ 

21.11.2015                   Ռեալ Մադրիդ - Բարսելոնա                        0 - 4                              

22.03.2015                   Բարսելոնա - Ռեալ Մադրիդ                        2 - 1                               

25.10.2014                   Ռեալ Մադրիդ - Բարսելոնա                        3 - 1                              

23.03.2014                   Ռեալ Մադրիդ - Բարսելոնա                        3 - 4                              

26.10.2013                   Բարսելոնա - Ռեալ Մադրիդ                        2 - 1      

Եվ այսպես...

Հանդիպման գլխավոր մրցավարն է Ալեխանդրո Էրնանդեսը: Նրա օգնականներն են` Տեոդորո Սոբրինո Մագանը եւ Խոսե Նարանխո Պերեսը:

«Բարսելոնան» Կլասիկոյում հանդես կգա «Շնորհակալություն, Յոհան» գրությամբ մարզաշապիկներով:

Կատալոնական «Բարսելոնայի» նախկին նախագահ Ժոան Գասպարը հույս ունի, որ Մադրիդի «Ռեալի» գլխավոր մարզիչ Զինեդին Զիդանը կտապալվի իր աշխատանքում.«Երբեք չեմ մեկնաբանել այլ մասնագետների աշխատանքը: Ժամանակին Զիդանի տաղանդի մեծ երկրպագու էի, նա բացառիկ ֆուտբոլիստ էր: Որքանով կարող եմ դատել, նա լավ մարդ է: Սակայն պետք է անկեղծորեն ասեմ, որ մարզական առումով Զիդանին անհաջողություն եմ մաղթում: Հակառակ դեպքում անհաջողություն կունենա «Բարսելոնան»: Մնացած ամեն ինչում նրան լավագույնն եմ մաղթում»:

Եվ վերջում

«Էլ կլասիկոն» կմեկնարկի Երեւանի ժամանակով 22:30-ին

Այս թեմայով Մարդիկ, ովքեր իրենց ծննդյան ամսաթվում ունեն 1, 5, 3, 2 թվեր՝ ահա թե ինչ է ձեզ սպասվում մայիսին Սահմանազատման հանձնաժողովները շարունակում են կարծիքներ փոխանակել սահմանազատման հաջորդ փուլերի վերաբերյալ.Մհեր Գրիգորյան «Ժողովուրդ». «Ժողովուրդը տուգանքի մատերիալ չէ» կարգախոսի հեղինակը եռակի անգամ շատ է տուգանել մարդկանց. թվեր «Ժողովուրդ». Հայաստանն ամենացածր թոշակն է տալիս տարածաշրջանում. թվեր «Ժողովուրդ». Տնտեսական ազատությամբ Հայաստանի դիրքը վատթարացել է 10 հորիզոնականով. թվեր