ԻՆՉ ԹՌՉՆԱՄԻՍ ԵՆ ՄԵԶ ՀՐԱՄՑՆՈՒՄ

ԻՆՉ ԹՌՉՆԱՄԻՍ ԵՆ ՄԵԶ ՀՐԱՄՑՆՈՒՄ

Տարիներ շարունակ հայաստանյան սպառողները թռչնամսի շուկայից դժգոհություններ հայտնելու առիթների պակասից ամենեւին էլ չեն բողոքել: Եվ այդպես էլ, չնայած հազարավոր բողոքներին, որակական առումով այդ շուկայում դրական տեղաշարժեր գրեթե տեսանելի չեն:
Ընդ որում, դժգոհություններ հնչում են, ինչպես ներկրված, այնպես էլ տեղական թռչնամսի առնչությամբ: Դա սպասելի էր, քանի որ եթե տարիներ առաջ տեղական թռչնամսի արտադրությունը հիմված էր տեղական կերային բազայի վրա, ապա ժամանակի ընթացքում տեղական արտադրությունը ուղղվեց դեպի տարբեր քիմիական սննդային հավելումների օգտագործումը: Պատճառը հասկանալի է. դա հնարավորություն է տալիս թռչունների քաշն արագորեն հասցնել արդյունաբերական նշանակության, ինչը, ըստ էության, վերացնում է ներկրված եւ տեղական մթերքի մասին ավանդական բոլոր պատկերացումները, հենց որի պատճառով էլ գնային առումով ներկրվածը միշտ էլ զիջել է տեղականին: Այսպիսովª գնային տարբերությունը պահպանվում է, միչդեռ որակականը գրեթե հասցրել է զրոյանալ: Իսկ դա նշանակում է նաեւ գերշահույթների կորզում տեղականի ՙբրենդի՚ անվան տակ:
Ինչեւէª ՙԻրազեկ եւ պաշտպանված սպառող՚ ՀԿ-ի նախագահ Բաբկեն  Պիպոյանը եւս հաստատում է, որ  2013 թվականից մինչ օրս եղել են  հրապարակային բնույթ կրող եւ չմերժված, ավելին` պետական համապատասխան վերահսկողություն իրականացրած մարմնի կողմից հաստատված բազմաթիվ հայտարարություններ, որոնք սպառողին իրազեկել են  շուկայում թռչնամսի վտանգի մասին: Բայց այսօր կրկին նույն իրավիճակն է: ՙՍա ինքնին ապացույց է, որ շուկան բարձր ռիսկային է, եւ իրականում հարկավոր է կտրուկ քայլեր ձեռնարկել`  նմանատիպ վտանգներից հետագայում խուսափելու համա՚,- ՙԻրավունքի՚ հետ զրույցում նշեց Բ. Պիպոյանը եւ ընդգծեց, որ թռչնամսի շուկայում եռամսյակը մեկ տեղի է ունենում մեկ խոշոր բացահայտում: Այսինքնª թռչնամսի ընդհանուր վտանգավորությունը պետք է պարզի համապատասխան վերահսկող մարմինը`լաբորատոր փորձաքնության արդյունքում, քանի որ քաղաքացիների կողմից շատ է բարձրաձայնվում թռչնամսի անորակության մասին. ՙՄիայն հանրային գնահատականը բավական է ընդհանուր եզրակացության գալու համար: Հանրային աղմուկը, բողոքներն ու ուսումնասիրությունները ցույց են տալիս, որ այս ոլորտում մենք առնվազն լավ վիճակում չենք: Չնայած այս ամենին` ընդհանուր գնահատական պետք է տալ ըստ մասնագիտության` ելնելով ռիսկի հաղորդակցման դասական կանորններից, ինչը, ցավոք, մեր երկրում գտնվում է նվազագույնից էլ ցածր մակարդակի վրա՚,- ավելացրեց Բաբկեն Պիպոյանը: Նա նաեւ տեղեկացրեց, որ մոտավորապես մեկ շաբաթ անց հանրությանը կներկայացվի,  թե ինչ թռչնամիս է նա օգտագործում, քանի որ իրենց կողմից շուկայում իրականացվում է ուսումնասիրություն` ամենառիսկայինը պարզելու համար:

ԶՎԱՐԹ ԽԱՉԱՏՐՅԱՆ