ՙԷՐԴՈՂԱՆԻՆ ԱՅՍՕՐ ՉԷ, ՈՐ ՃԱՆԱՉՈՒՄ ԵՆ՚

ԷՐԴՈՂԱՆԻՆ ԱՅՍՕՐ ՉԷ, ՈՐ ՃԱՆԱՉՈՒՄ ԵՆ՚

Թուրքիայի 12-րդ նախագահ, նախկին վարչապետ Ռեջեփ Թայիբ Էրդողանն անցնում է իր նոր պաշտոնական պարտականությունների կատարմանը: Միեւնույն ժամանակ Էրդողանը Թուրքիայի ԱԳՆ նախկին պաշտոնում իր նոր պաշտոնական պարտականություններին է անցնում նախկին ԱԳ նախարար Ահմեդ Դավութօղլուն: Երկուսն էլ, հասկանալի է, քաջ ծանոթ են հայաստանյան հանրությանը: Բայց նրանց անցումը նոր պաշտոնների նոր որակներ կմտցնի± Հայաստանի եւ Թուրքիայի հարաբերություններում: Այս հարցի պատասխանը ՙԻրավունքը՚ փորձեց պարզել մասնագետներից.
Քաղաքագետ ԼԵՎՈՆ ՄԵԼԻՔ-ՇԱՀՆԱԶԱՐՅԱՆ.
- Միանգամից ասեմ, որ այս ընտրություններից հետո ես որեւէ դրական փոփոխության չեմ սպասում: Էրդողանին այսօր չէ, որ մեք ճանաչում ենք.նա երկար ժամանակ ղեկավարում էր Թուրքիան: Այսօր պարզապես նրա պաշտոնն է փոխվել, սակայն լիազորությունները նույնն է մնացել, գուցե մի քիչ էլ ավելացել է:

Իհարկե, այժմ նրա տեղը մի քիչ նեղն է, նոր մարտահրավերներ կան Թուրքիայի հանդեպ, եւ նորընտիր նախագահը կփորձի գոնե տեսականորեն տարբեր երկրների եւ հարեւանների հետ լեզու գտնել` իրավիճակը կայուն պահելու համար: Ինչ վերաբերում է Հայկական հարցին, ապա այստեղ կրկին որեւէ դրական փոփոխություն չի լինելու, մանավանդ, մենք գիտենք, թե Թուրքիայի վարչապետի պաշտոնում ով է նշանակվել: Մենք գործ ունենք այնպիսի անձանց հետ, որոնց էությունը, գաղափարախոսությունը եւ ապրելակերպը բխում է միայն պանթուրքիզմից:

ՀՀ ԳԱԱ Արեւելագիտության ինստիտուտի փոխտօրեն, թուրքագետ ՌՈՒԲԵՆ ՄԵԼՔՈՆՅԱՆ.
- Հայ-թուրքական հարաբերություններում որեւէ փոփոխություն չի սպասվում: Այս մասին նույնիսկ երեկ հայտարարեց երկրի վարչապետ Դավութօղլուն: Ըստ նրա` Թուրքիայի արտաքին քաղաքականությունում գերակայությունների մեջ փոփոխություններ չեն լինելու: Այս ամենին գումարվում է նաեւ այն, որ Էրդողանը ոչ հավասարակշռված եւ ագրեսիվ քաղաքական գործիչ է: Ես կարծում եմ, որ հայ-թուրքական հարաբերություններում ոչ միայն դրական փոփոխություններ չեն լինելու, այլեւ այդ հարաբերություններում կսկսեն ավելի շատ գերիշխել փոխադարձ վիրավորանքները, ավելի ագրեսիվ հայտարարությունները, Արցախյան հարցում Ադրբեջանի ավելի ընդգծված պաշտպանությունը: Կարծում եմª Դավութօղլուի եւ Էրդողանի հայացքները հայ-թուրքական հարաբերություններում հագենալու են ագրեսիվությամբ:


Z-PR սոցհարցման կենտրոնը Երեւան քաղաքում` 100 հոգու շրջանակում կատարել է հարցում` պարզելու, թե Թուրքիայում Էրդողանի նախագահ ընտրվելուց հետո ինչ փոփոխություններ կլինեն հայ-թուրքական հարաբերություններում:
1. Ոչ մի բան, թուրքը միշտ էլ մնում է թուրք- 91%:
2. Թուրքիան կցանկանար հակահայկական քաղաքականությունը շարունակել, բայց աշխարհում նոր իրողություններ են առաջանում, առջեւում էլ Ցեղասպանության 100 ամյակն է: Ուրեմն` կփորձի գոնե ձեւականորեն ինչ-որ բան փոխել - 8%:
3. ԱՄՆ-ը եւ Եվրոպան Թուրքիային կստիպեն վերսկսել Հայաստանի հետ հաշտվելու գործընթացը- 1%:

ԶՎԱՐԹ ԽԱՉԱՏՐՅԱՆ