ՙՉԿԱՐՈՂԱՆԱԼՈՎ ԱՍԱԴԻՆ ՏԱՊԱԼԵԼ` ԱՅԺՄ ԱՄՆ-Ը ՊԱՏՎԻՐԵԼ Է ԱՆԽՆԱ ԿՈՏՈՐԵԼ ԵԶԴԻՆԵՐԻՆ՚

ՙՉԿԱՐՈՂԱՆԱԼՈՎ ԱՍԱԴԻՆ ՏԱՊԱԼԵԼ`
ԱՅԺՄ ԱՄՆ-Ը ՊԱՏՎԻՐԵԼ Է ԱՆԽՆԱ ԿՈՏՈՐԵԼ ԵԶԴԻՆԵՐԻՆ՚

ՙԻսլամական պետություն՚ խմբավորումը շարունակում է հարձակվել Իրաքի հյուսիսային եւ արեւմտյան շրջանների ուղղությամբª ոչնչացննելով բոլորին, ովքեր հրաժարվում են լքել սեփական տունն ու կրոնափոխ լինել: Այս օրերին այնտեղ կատարվող ոճրագործությունների մասին առավել մանրամասն փորձեցինք զրուցել եզդիների շեյխ Հասան Հասանյանի հետ:
-Ի±նչ է կատարվում այս պահին Իրաքում:
- Իրաքում շարունակվում է անմարդկային վերաբերմունքը, այլ կերպ ասածª ցեղասպանությունը եզդի ժողովրդի նկատմամբ: Դեռեւս ոչինչ ազատագրված չէ, բայց պայքարը շարունակվում է: Դժբախտաբար ինձ թույլ չեն տալիս գնալ այնտեղ, բայց պարբերաբար կապվում եմ տեղացի եզդիների հետ: Նրանք պատմում են, թե ինչ ահավոր, դաժան, սարսափելի ձեւով են վերաբերվում եզդիների հետ: Իրաքում արդեն մոտ հինգ հազար եզդի է սպանվել, կես միլիոն մարդ փախստականի կարգավիճակում է: Տարբեր բեմերից որքան էլ բարձր հնչեն դատապարտող ուղերձներն ու սպառնալիքները, եզդիների բնաջնջումը շարունակվում է: Իսլամիստները գլխատում, ողջ-ողջ թաղում են կանանց, երեխաների, քշում են Սինջար լեռը. պաշարել են լեռըª սովահարության մատնելով հազարավոր մարդկանց: Իսլամիստ ահաբեկիչները եզդիների բնակավայրերը գրավելուց հետո դաժան հաշվեհարդար են տեսնում բնակիչների հետ, թալանում նրանց ունեցվածքը եւ բռնաբարում աղջիկներին ու կանանց: Պայթեցվել են պատմական նշանակություն ունեցող կառույցներ, հողին են հավասարեցնում տները, թալանում, սպանում, առեւանգում: Բռնաբարություններ են տեղի ունենում ամեն օր եւ ամենուր` մոտակա թփուտներում, տներում եւ բեռնատարներում: Աղջիկներն էլ, չդիմանալով անպատվությանը, նվաստացումներին, հոգեկան ապրումներին` մասսայաբար ինքնասպանություն են գործում: Իսլամիստներն առանց մի վայրկյան մտածելու սպանում են պատանիներին եւ տղամարդկանց, իսկ  երիտասարդ կանանց ու աղջիկներին տանում են իրենց հետ: Շատ ծերեր ու երեխաներ էլ մահանում են` մնալով առանց սննդի եւ ջրի: Այնպես որ, դրությունը այնտեղ շատ վատ է, եզդիների մի մասն էլ փախեփախի մեջ է` մինչեւ տեսնեն, թե ինչ է լինելու նրանց վերջը: Ես Ձեզ մի սարսափելի դեպք պատմեմ, որն օրերս են կատարել այդ մարդասպանները: Ութ հոգով հարձակվել են յոթ տարեկան աղջիկ երեխայի վրա եւ բռնաբարել այնքան, որ մեռնի: Ու դա բոլորի, այդ թվում` աղջկա մոր աչքի առաջ, ու մի բան էլ գոռացել են, թե. ՙԼավ նայեք, որովհետեւ սաղիդ մատղաշ բալեքն էլ էս օրին են ընկնելու, որ իսլամ չընդունեք՚: Երեկ էլ իմացա, որ հարյուր յոթանասուն կնոջ եւ աղջկա սաղ-սաղ թաղել են, միայն նրա համար, որ հրաժարվել են իսլամ ընդունել:
-Ում կողմից է, ըստ Ձեզ, հովանավորվում եզդիների ցեղասպանությունը:
- Եզդիների ցեղասպանությունը իրականացնում է իսլամական ՙՍիս՚ ջոկատը, որին ժամանակին ԱՄՆ-ը զինեց ընդդեմ Սադամ Հուսեյնի, ապաª Բաշար Ասադի: Չկարողանալով Բաշար Ասադին տապալել` այժմ ԱՄՆ-ը պատվիրել է անխնա կոտորել եզդիներին: Իսլամիստների մորուքավոր պարագլուխը բացահայտ հայտարարեց, որ իրենց թշնամիները քրիստոնյաներն են եւ եզդիները:
- Արդյոք նրանց հիմնական նպատակը միայն քրիստոնյաներին ու եզդիներին կրոնափոխ անե±լն է:
- Նրանց միակ նպատակը եզդիներին կրոնափոխ` մահմեդական դարձնելն է, որպեսզի ազատ ելք ու մուտք ունենան Իրաք եւ այլն: Ինչպես որ մտադրված է հարեւան Թուրքիան, որն ուզում է, որ Հայաստանը մեջտեղից հանի, որպեսզի ստեղծի մեծ Թուրքիա` միջին Ասիայի եւ Ադրբեջանի հետ միասին: 21-րդ դարի սկզբին իրականացվում է եզդի ժողովրդի ցեղասպանություն միայն նրա համար, որ եզդիները արեւապաշտ են: Մենք` եզդիներս, մի քանի անձանց քաղաքական եւ տարածքային շահերի զոհն ենք դարձել: Ինչպե±ս կարելի է ժողովրդին ոչնչացնել միայն նրա հավատքի համար: Իհարկե, համաշխարհային պատմության մեջ նման դեպքեր եղել են, օրինակ  ցեղասպանություն հայ ժողովրդի նկատմամբ միայն նրա համար, որ քրիստոնյա է, ցեղասպանություն հրեա ժողովրդի նկատմամբ ֆաշիզմի ժամանակ: Եվ այժմ եզդի ժողովուրդը նույնպես դարձել է նույնպիսի մարդասպանների զոհ:
Վերջում պարոն Հասանյանը հավելեց, որ եզդիներին ուղարկված եւ ոչ մի օգնություն տեղ չի հասնում:

ԻԼՈՆԱ ԱԶԱՐՅԱՆ