ՙՙԵՐԿՐԱՊԱՀԸ ՉԵՂԱԾ ՈՒ ՉՍՏԵՂԾՎԱԾ ԲԱՆԵՐԻ ԳՈՎԱԶԴՈՎ ՉԻ ԶԲԱՂՎԵԼՈՒ՚

ՙԵՐԿՐԱՊԱՀԸ ՉԵՂԱԾ ՈՒ ՉՍՏԵՂԾՎԱԾ
ԲԱՆԵՐԻ ԳՈՎԱԶԴՈՎ ՉԻ ԶԲԱՂՎԵԼՈՒ՚

ՙԱրաբո՚ ջոկատի հրամանատար Մանվել Եղիազարյանը, ՙՍեւ հովազ՚ ջոկատի հրամանատար, ԱԺ ԲՀԿ խմբակցության պատգամավոր Ռուստամ Գասպարյանը, Ապարանի ջոկատի հրամանատար Ռազմիկ Պետրոսյանը եւ ուրիշներ, որոշել են ստեղծել` որպես ԵԿՄ-ին  այլընտրանք, ՙԱզատամարտիկների դաշինք՚ կազմակերպությունը: Ի դեպ, շրջանառվում են խոսակցություններ, որ այն ֆինանսավորվելու է ԲՀԿ-ի կողմից ու հարելու է ոչ իշխանական քառյակին: Թե ի±նչ են մտածում ՙԵրկրապահ կամավորականների միության՚ ղեկավարներն այս նոր միության մասին, ՙԻրավունքը՚ փորձեց պարզել հենց իրենցից, սակայն վերջիններս 7-օրյա ուխտագնացության շրջանակներում` գտնվում էին ԼՂՀ սահմանապահ դիրքերում: Այնուամենայնիվ, մեզ հաջողվեց կապ հաստատել ԵԿՄ նախագահ, Արցախի հերոս, գեներալ-լեյտենանտ Մանվել Գրիգորյանի խոսնակ ՎԱՐԴԱՆ ՎԱՐԴԱՆՅԱՆԻ հետ, ով մասնավորապես նշեց.
- ԵԿՄ-ն ժամանակի հրամայականով ստեղծված կառույց է` պատերազմի ժամանակ արյան կանչով ստեղծված ու լուրջ կայացած կառույց, որը Սպարապետն է ստեղծել: Մինչեւ այսօր էլ, Սպարապետ Վազգեն Սարգսյանի դրած ավանդույթներն են շարունակվում ԵԿՄ-ում: Այնպես որ, անդրադառնալով Ձեր նշած կառույցին` ասեմ, որ երկրապահը չեղած, չստեղծված բաների գովազդով չի զբաղվելու: Դուք խոսում եք մի բանի մասին, որը գոյություն չունի, ու ինձ թվում է` գոյություն չի էլ ունենալու:
Դրա համար էլ, մենք իրենց մասին չենք խոսելու, այլ` միայն մեր գործերի:

ՀՐԱՆՏ ՍԱՐԱՖՅԱՆ