ՙԴՐՍՈՒՄ` ՔԱՀԱՆԱ, ՆԵՐՍՈՒՄ` ՍԱՏԱՆԱ՚ ՆԱԽԱՐԱՐԸ

ՙԴՐՍՈՒՄ` ՔԱՀԱՆԱ, ՆԵՐՍՈՒՄ` ՍԱՏԱՆԱ՚ ՆԱԽԱՐԱՐԸ

Օգոստոսի 26-ին ՀՀ քրեական օրենսգրքի 311-րդ հոդվածի 3-րդ մասի 2-րդ եւ 3-րդ կետերի (պաշտոնատար անձ չհանդիսացող հանրային ծառայողի կողմից խոշոր չափերով ապօրինի վարձատրություն ստանալը) հատկանիշներով հանցագործություն կատարելու կասկածանքով իր աշխատասենյակում ձերբակալվել է ՀՀ բնապահպանության նախարարության աշխատակազմի բնապահպանական պետական տեսչության անտառների վերահսկողության բաժնի պետ Արմեն Լաբլաջյանը: Վերոնշյալին երեկ կառավարության նիստից հետո լրագրողների հետ ճեպազրույցում անդրադարձավ ՀՀ բնապահպանության նախարար ԱՐԱՄԱՅԻՍ ԳՐԻԳՈՐՅԱՆԸ.
-Այսօր իրավապահ մարմինները քննարկում են հարցը, առաջիկայում մեզ կներկայացնեն, մենք էլ ձեզ կտեղեկացնենք մանրամասները: Քանի որ հիմա քննչական խումբն է զբաղվում դրանով, բնականաբար, ոչինչ ասել չեմ կարող:
- Այսինքն` Ա. Լաբլաջյանի չարաշահումները նախարարությունում Ձեր օրո±ք են եղել:
- Այնուամենայնիվ, կարծում եմ, որ դրանք հին գործեր են: Եղել է արագ արձագանքման խումբ, եւ ես նախարար նշանակվելուց հետո ազատել եմ աշխատանքից այդ մարդկանց, իմ որոշումով ցրել եմ այդ խումբը: Եվ հիմնականում խնդիրը, երեւի թե, կապված է դրա հետ, բայց չեմ ուզում ավել բան ասել, որովհետեւ ինֆորմացված չեմ, առաջիկայում հստակ ձեզ կներկայացնեն իրավապահ մարմինները:
- Իսկ ինչու որոշեցիք փակել արագ արձագանքման խումբը:
- Ավելորդ եմ համարել դրա գոյությունը, քանի որ եթե կա տեսչություն, դրա մեջ արագ արձագանքման խումբ ունենալու իմաստը ո±րն է:
- Պարոն նախարար, արդյո±ք սույն քրգործը բիծ չէ նախարարության աշխատանքների վրա:
- Յուրաքանչյուր ոլորտում կան թերություններ, կան խնդիրներ: Միգուցե, դա ձեր կարծիքով բիծ է, բայց, այնուամենայնիվ, բոլորը պետք է աշխատեն արդար եւ մաքուր: Եվ ես ոչինչ չեմ կարող ասել` չեմ կարող ո°չ մեղադրանք ներկայացնել տվյալ աշխատակցին, ո°չ էլ արդարացնել, քանի որ այսօր, նորից եմ կրկնում, քննչական մարմինները կատարում են իրենց աշխատանքը: Այդ աշխատանքներից հետո հստակ կներկայացնենք, ով ինչ չափով է մեղավոր կամ արդար:
- Ի դեպ, տեղեկություններ կան, որ հետեւողականորեն ազատվում եք նախկին նախարարի կադրերից:
- Դա ձեր կարծիքն է, իհարկե: Ես ոչինչ չունեմ ասելու:
- Բայց քանի աշխատակցի եք փոխել ձեր նշանակվելուց հետո:
- Բացարձակապես որեւիցե մեկին չեմ փոխվել, մարդիկ, ովքեր չեն կարողանում աշխատել, բնականաբար, ներկայացնում են, որ ի վիճակի չեն ու ազատվում են:
- Ինչպե±ս է ստացվում, որ ժամանակին կարողանում էին աշխատել, բայց Ձեզ հետ` ոչ:
- Դուք դա կարող եք հարցնել իրենցից:
- Միգուցե պատճառն այն է, որ Դուք բավական կոպի±տ եք խոսում աշխատակիցների հետ:
- Մամուլը կարող է ամեն ինչ ներկայացնել, հիմա մամուլի ներկայացուցիչները դուք եք, ես էլ Ձեր ներկայացրած կոպիտ խոսացողն եմ, որեւիցե մեկիդ հետ կոպիտ խոսեցի±...
Չուշացավ նաեւ հավաքված լրագրողների պատասխանը. ՙՄեզ հետ չեք էլ կարող կոպիտ խոսել, որովհետեւ մենք ձեր ենթակաները չենք՚: Ապա իր իսկ հարցին պատասխանեց նախարարը. ՙՈրովհետեւ ես կուլտուրապես բարձր մարդ եմ, իսկ նման տգետները, որ նման բան են ներկայացնում, մի հավատացեք, դրանք հերյուրանքներ են՚: Այդպիսինների մասին ժողովուրդը լավ խոսք ունի. ՙԴրսում` քահանա, ներսում` սատանա՚:

ՀՐԱՆՏ ՍԱՐԱՖՅԱՆ