Երեկ Թուրքիայի նորընտիր նախագահ Էրդողանի երդմնակալության արարողությանը մասնակցել է ՀՀ ԱԳ նախարար Էդվարդ Նալբանդյանը:
Թե ինչ կտա Հայաստանին նախարարի մակարդակով նման արարողակարգին մասնակցելը, երեկ կառավարության նիստից հետո լրագրողների հետ ճեպազրույցում պատասխանեց ՀՀ ԱԳ փոխնախարար ՇԱՎԱՐՇ ՔՈՉԱՐՅԱՆԸ. ՙԵրբ մեր հարեւան երկրում տեղի է ունենում նախագահի երդմնակալության արարողություն, մասնակցում են, եւ դա ավանդական է: Ինչ վերաբերում է Թուրքիայի ինաուգուրացիային, երբեւիցե չի եղել, որովհետեւ մինչ այդ Թուրքիայի նախագահը ընտրվել է պառլամենտի կողմից: Առաջին անգամ է, որ ընտրությունը կատարվել է ուղղակի, ու դրա համար սա առաջին նախադեպն է, երբ կա այդ արարողությունը: Չմոռանանք նաեւ, որ ՀՀ նախագահ Սերժ Սարգսյանի երդմնակալության արարողությանը եւս Թուրքայից ներկայացուցիչներ են եղել: Բայց ոչ թե արտգործնախարարի մակարդակով, այլ` դեսպանի՚: Ի դեպ, երեկ երեկոյան արդեն իսկ միջազգային մամուլը հեղեղվել էր տեղեկություններով, որ Էրդողանի երդմնակալության արարողության ժամանակ ներկա են գտնվել ընդամենը մի քանի պետությունների ղեկավարներ: Ուշագրավ է այն, որ Արեւմուտքի երկրները ավելի ցածրաստիճան պաշտոնյաներ էին ուղարկել Անկարա: Այնպես որ, կարծես թե, Եվրոպան չսիրեց թուրքերի նոր առաջնորդին: ՀՐԱՆՏ ՍԱՐԱՖՅԱՆ
1
2532 դիտում
2
2223 դիտում
3
1947 դիտում
4
1942 դիտում
5
1893 դիտում
